Mos­skóg­ar í Mos­fells­dal er besta tjaldsvæðið á Íslandi sam­kvæmt stærstu upp­lýs­inga- og bók­un­ar­gátt tjaldsvæða í Evr­ópu, Camp­ing.info. Könn­un­in bygg­ir á yfir 230.000 end­ur­gjöf­um frá yfir 150.000 tjald­gest­um í Evr­ópu. 

Camp­ing.info skoðaði einnig verð á gistinótt fyr­ir tvo á tjaldsvæðum víðs veg­ar um Evr­ópu, með tjald­stæði, hjól­hýsi, raf­magni og staðbundn­um skatti, og setti upp meðal­verð á gisti­nótt­ina í alls 34 lönd­um.

Gist­inæt­ur á tjaldsvæðum á ís­landi hafa hækkað að meðaltali um 7,96% frá síðasta ári. Bla­ke Wisz/​Unsplash

Meðal­verð á nótt­ina á tjaldsvæði hér­lend­is eru 24,81 evra eða um 3.700 kr. á nú­ver­andi gengi. Í til­kynn­ingu frá Camp­ing.info kem­ur fram að verð á tjaldsvæði hér­lend­is er frek­ar í neðri kant­in­um miðað við 33 önn­ur lönd í Evr­ópu, þar sem Ítal­ía trón­ir á toppn­um með 40,4 evr­ur á nótt­ina og Alban­ía er ódýr­ast með 14,18 evr­ur á nótt­ina.

Frá síðasta ári hef­ur gistinótt á tjaldsvæðum í Evr­ópu hækkað að meðaltali um 4,75%, en gisti­nótt­in á Ísland hækkaði á sama tíma um 7,96%. Mest var hækk­un­in í Slóvakíu en þar hækkaði gisti­nótt­in um 13,20% en eina landið með enga hækk­un er Eist­land. 

Það er alltaf gam­an í tjaldúti­legu. Laur­ine Bailly/​Unasplash

Tjaldsvæðið Mos­skóg­ar

Á vefn­um tjalda.is kem­ur fram að tjaldsvæðið Mos­skóg­ar er fjöl­skyldu­rekið en á svæðinu er einnig garðyrkju­stöð. Um­hverfið er gróið og skjól­sælt og aðeins í um 17 kíló­metra fjar­lægð frá miðbæ Reykja­vík­ur. Þar er góð aðstaða fyr­ir tjöld, felli­hýsi, hjól­hýsi og hús­bíla. Hægt er að setj­ast inn í gróður­húsið, elda þar og borða. 

Þar er yf­ir­byggð aðstaða fyr­ir allt að 60 manna hópa og græn­met­is­markaður sem op­inn er frá júlí fram á haust. 

Mikið er um afþrey­ingu í Mos­fells­dal en þar er m.a. golf­völl­ur­inn í Bakka­koti, hesta­leiga í Lax­nesi og hús­dýrag­arður á Hraðastöðum. Þá er vissu­lega stutt í sund og versl­an­ir inn í Mos­fells­bæ.

Tengd­ar frétt­ir

Ferðaráð

Hend­ir öllu á svefn­her­berg­is­gólfið fyr­ir ferðalagið

• 48 tím­ar í Basel: Hvað er skemmti­leg­ast að gera?
• „Borg­in ei­lífa verður áfram lyk­i­láfangastaður“
• „Þetta er eins og að fá lyf­seðil fyr­ir að fara út í nátt­úr­una einu sinni á dag eða álíka“
• Ekki vera eins og vel grillaður hum­ar í Cann­es

» Fleiri tengd­ar frétt­ir

Á ferðalagi

Högni og Snæfríður flytja til Hollywood

• 48 tím­ar í Basel: Hvað er skemmti­leg­ast að gera?
• Leyni­bær­inn sem þú ætt­ir að heim­sækja
• „Þetta er eins og að fá lyf­seðil fyr­ir að fara út í nátt­úr­una einu sinni á dag eða álíka“
• Ætlar að fara hring­inn í kring­um hnött­inn

» Fleiri tengd­ar frétt­ir

Ferðumst inn­an­lands

Djammið fór úr bönd­un­um

• Mynd­skeið sem sýn­ir snjó­kom­una í Njarðvík vek­ur at­hygli
• Ísland ör­ugg­ast fyr­ir þá sem ferðast ein­ir
• Hef­urðu áhuga á að ger­ast ferðaþjón­ustu­bóndi?
• Tveir hnúfu­bak­ar léku list­ir sín­ar í Faxa­flóa

» Fleiri tengd­ar frétt­ir

• Blogga um frétt