Kvik­mynda­hátíðin í Cann­es er tveggja vikna para­dís kvik­mynda­áhuga­fólks, ár­leg­ur viðburður þar sem kanón­ur kvik­mynda­geir­ans, leik­ar­ar, leik­stjór­ar, fram­leiðend­ur og dreif­ing­araðilar koma sam­an. Hátíð þessa árs fer fram dag­ana 13.-24. maí og þá er gott að hafa ákveðin atriði í huga ef ferðast er til borg­ar­inn­ar á þess­um tíma.

Gott er að hafa nokk­ur atriði í huga ef ferðast er til Cann­es um þess­ar mund­ir. Al­ex­is AMZ DA CRUZ/​Unsplash

Al­geng mis­tök sem ber að forðast

Það er gott að hafa í huga að ef beðið er um eitt­hvað þá þarf að gera það af mik­illi kurt­eisi, því þarf að fylgja aðdrag­andi, al­veg eins og að fá sér for­drykk á und­an eft­ir­rétt­in­um. Frakk­ar kunna vel að meta orðið „bonjour“ eða góðan dag.  

Það kann að koma á óvart að ekki all­ir veit­ingastaðir í Frakklandi taki á móti kred­it­kort­um og því er gott að hafa pen­inga á sér, til ör­ygg­is.

Frétt af mbl.is

Banna nekt á rauða dregl­in­um í Cann­es

Bókið borð fyr­ir fram og hafið í huga að opn­un veit­ingastaða fer iðulega eft­ir mat­ar­venj­um Frakka, en þeir borða há­deg­is­mat á milli tólf og tvö og kvöld­verður byrj­ar um sjöleytið.

Þjór­fé er vel þegið þótt fólk í þjón­ustu­störf­um bú­ist ekki endi­lega við því.

Ef þú vilt ekki vera eins og vel grillaður hum­ar í Cann­es þá er gott að hafa sól­ar­vörn í hand­raðanum, en maí get­ur verið heit­ur mánuður við frönsku ri­víer­una.

Cann­es er mjög sjarmer­andi staður. Dia­ne Picchiott­ino/​Unsplash

Að ferðast til og frá Cann­es

Flug­völl­ur­inn í Nice er í um 25 kíló­metra fjar­lægð frá Cann­es og þaðan er rútu­leið 81 sem tek­ur um 45 mín­út­ur og kost­ar um 3.250 krón­ur.

Það er einnig hægt að ferðast með lest frá Nice-Vil­les-lest­ar­stöðinni og er ferðin um 40 mín­út­ur, fyr­ir rúm­lega 1.000 krón­ur aðra leið.

Þótt orðspor Cann­es sé stórt þá er borg­in ekki mik­il og á meðan á kvik­mynda­hátíðinni stend­ur fer flest allt fram á hinu fræga Croi­sette og Le Pala­is. Það þýðir að hægt er að dóla sér um fóta­gang­andi eða nýta sér stræt­is­vagna eða leigu­bíla.

Lúx­ussnekkj­ur í höfn. Amy W./​Unsplash

Hvað á að gera 

Það er ekki mikið um söfn, listagalle­rí eða sögu­leg­ar bygg­ing­ar sem hægt er að skoða í Cann­es. Um þess­ar mund­ir er þó hægt að fylgj­ast með rauða dregl­in­um og öðrum viðburðum á þess­ari sögu­frægu hátíð. 

Hægt er að heim­sækja Carlt­on-hót­elið þar sem Al­fred Hitchcock kvik­myndaði To Catch a Thi­ef á 6. ára­tugn­um. Fyr­ir mat­gæðinga er Marché For­ville al­gjört eðal og göngu­túr um göt­ur Le Suqu­et, gamla bæ­inn í Cann­es, er kjör­in leið til að gleyma sér. 

Frétt af mbl.is

„Í Cann­es má ekki þagga niður í hryll­ingn­um á Gaza“

Í Chateau Grimaldi gef­ur að líta 23 mál­verk og 44 teikn­ing­ar eft­ir Picasso eft­ir dvöl hans þar í sex mánuði árið 1946.

Báts­ferð til Sain­te-Margu­er­ite-eyj­unn­ar er vin­sæl og þar er fang­elsi manns­ins með járn­grím­una, sem lést í haldi 19. nóv­em­ber 1703. 

Drykk­ur á Le Vieux Port, við höfn­ina þar sem lúx­ussnekkj­urn­ar sigla inn og út, hljóm­ar mjög spenn­andi, eða að verja tíma á strönd­inni og njóta ein­hverra af þeim kvik­mynd­um sem eru í al­menn­ings­sýn­ingu á hátíðinni.

Það er vel hægt að slaka á þarna. Valent­in Kremer/​Unsplash

For­bes

Tengd­ar frétt­ir

Borg­ar­ferðir

Högni og Snæfríður flytja til Hollywood

• 48 tím­ar í Basel: Hvað er skemmti­leg­ast að gera?
• „Borg­in ei­lífa verður áfram lyk­i­láfangastaður“
• Icelanda­ir bæt­ir við áfanga­stöðum
• Löng helgi í Kö­ben: Hvernig áttu að klæða þig?

» Fleiri tengd­ar frétt­ir

Sól­ar­landa­ferðir

PLAY flýg­ur beint til Aga­dir

• Gerður í Blush sleik­ir sól­ina í Bar­sel­óna
• Icelanda­ir bæt­ir við áfanga­stöðum
• Draum­ur við sjó­inn til leigu í Split
• Fjór­ar baðstrand­ir í Evr­ópu meðal bestu á heimsvísu

» Fleiri tengd­ar frétt­ir

Ferðaráð

5 skot­held ráð fyr­ir út­skrift­ar­ferðina

• Hend­ir öllu á svefn­her­berg­is­gólfið fyr­ir ferðalagið
• 48 tím­ar í Basel: Hvað er skemmti­leg­ast að gera?
• „Borg­in ei­lífa verður áfram lyk­i­láfangastaður“
• „Þetta er eins og að fá lyf­seðil fyr­ir að fara út í nátt­úr­una einu sinni á dag eða álíka“

» Fleiri tengd­ar frétt­ir

• Blogga um frétt