Áslaug Magnús­dótt­ir frum­kvöðull og kaup­sýslu­kona og unnusti henn­ar Sacha Tu­eni, leigja út lítið hús í Svefn­eyj­um á Breiðafirði. Húsið er aug­lýst til leigu á vefsíðunni AirBnb. 

Sacha keypti eyj­arn­ar árið 2021 og hafa notið lífs­ins í hæg­um takti þar á sumr­in. Nú ætla þau að leyfa öðrum að njóta sín í ný­upp­gerðu húsi. 

„Tím­inn stend­ur í stað í Svefn­eyj­um sem eru um­kringd­ar fjöll­um og jökl­um. Á sumr­in fljúga þúsund­ir lunda og yfir þrjá­tíu og sex fugla­teg­und­ir um him­in­inn á meðan hval­ir og höfr­ung­ar synda hjá. Eyj­arn­ar eru í aðeins fimmtán mín­útna báta­ferð frá Flat­ey,“ seg­ir í lýs­ing­unni um húsið. 

Húsið sem aug­lýst er til leigu er hlý­legt og er staðsett á aðal­eyj­unni. Húsið rúm­ar fimm manns í þrem­ur svefn­her­bergj­um. Húsið er inn­réttað á stíl­hrein­an hátt.

Sacha hef­ur starfað í tækni­geir­an­um í Banda­ríkj­un­um, meðal ann­ars hjá Face­book. Áslaug er frum­kvöðull í heimi tísk­unn­ar en hún er stofn­andi tísku­merk­is­ins Kötlu og fyrr­ver­andi for­stjóri Moda Oper­andi.