Hefur þú heyrt um Tekíla-hraðlestina?

Hjól­in á The Tequila Express, sem myndi út­leggj­ast sem Tekíla-hraðlest­in á ís­lensku, eru far­in að snú­ast á nýj­an leik í mexí­kósku borg­inni Gua­dalajara eft­ir nokk­urra ára hlé, en lest­in hætti að ganga þegar kór­ónu­veiruf­ar­ald­ur­inn geisaði hvað svæsn­ast þar sem ferðamönn­um fækkaði til muna vegna strangra ferðatak­mark­ana.

Lest­in, sem hef­ur verið vin­sæl afþrey­ing meðal ferðamanna allt frá því hún lagði af stað í jóm­frú­ar­ferð sína fyr­ir 28 árum síðan, býður æv­in­týraþyrst­um, með áherslu á þyrst­um, ferðalöng­um upp á ein­staka upp­lif­un sem teng­ir sam­an sögu Mexí­kó, sam­fé­lag og menn­ingu, þá sér­stak­lega drykkj­ar­menn­ingu, er þeir ferðast frá Gua­dalajara yfir til Tequila, þar sem sam­nefnt brenni­vín á upp­runa sinn.

Ferðamenn, sem stíga um borð í Tekíla-hraðlest­ina, fá tæki­færi til að heim­sækja brenni­víns­gerðir á svæðinu, meðal ann­ars José Cu­ervo, fram­leiðanda mest selda tekíla í heimi, Herradura og Casa Sauza, og fylgj­ast þar með vinnslu­ferl­inu og enda svo á að bragða á vel völd­um veig­um á hverj­um stað. 

Lest­in stopp­ar einnig við The Aga­ve Landscape and Ancient Industrial Facicilties of Tequila þar sem bláa aga­ve-plant­an vex, en án henn­ar væri ekk­ert tekíla, og fá áhuga­sam­ir að kynn­ast merki­legri sögu plönt­unn­ar og tekíla. 

BBC

• Blogga um frétt