Það sem kemur ferðamönnum helst á óvart við Ísland

Er­lend­ir ferðamenn sem sækja Ísland upp­lifa gjarn­an eitt­hvað sem þeim finnst koma þeim á óvart við landið, atriði sem Íslend­ing­um þykja sjálf­sögð. 

Mbl.is tók sam­an það helsta sem ferðamenn nefna sem mesta undr­un­ar­efnið við ís­lensku menn­ing­una.

„Við erum öll skyld“

„Við erum öll skyld“ er setn­ing sem marg­ir ferðamenn fá að heyra þegar þeir lenda á spjalli við Íslend­inga. Það er alltaf sami undr­un­ar­svip­ur­inn sem birt­ist á þeim við þessi tíðindi og tala ekki um sjokkið sem fólk fær þegar sagt er frá því að til sé sér­stök vefsíða þar sem Íslend­ing­ar geta at­hugað skyld­leika sinn - síða sem hef­ur iðulega komið sér vel fyr­ir marga.

Heita vatnið lykt­ar eins og rot­in egg

Íslenska krana­vatnið er rómað fyr­ir hrein­leika og gæði, en þegar kveikt er á heita vatn­inu verður lykt­in mörg­um að óvör­um. Þetta er brenni­steinsilm­ur­inn í jarðhita­vatn­inu, sem minn­ir helst á rot­in egg. Flest­ir Íslend­ing­ar hafa van­ist þessu vel í gegn­um árin svo þeir kippa sér ekki upp við þetta, en viðvan­ing­ar stinga gjarn­an nef­inu upp í loft og halda að ein­hver hafi verið að leysa vind. 

Eru Íslend­ing­ar kald­ir eða vin­gjarn­leg­ir? 

Viðmót og fram­koma heima­manna er atriði sem ferðamenn eru ekki á eitt um. Sum­ir lýsa Íslend­ing­um sem alúðleg­um og hjálp­fús­um, en aðrir upp­lifa þjóðina held­ur kulda­lega eða feimna við ókunn­uga. Á net­inu má finna um­mæli um að Íslend­ing­ar séu „ekki sér­stak­lega mikið fyr­ir að spjalla við ókunn­uga.“

Frelsi barna

Það kem­ur mörg­um að óvart að Ísland sé það ör­uggt að krakk­ar fái að leika úti á eig­in veg­um. Einnig er það venja að láta ung­börn sofa úti í vagni all­an árs­ins hring, það þykir því ekk­ert til­töku­mál að sjá vagna með sof­andi börn­um standa fyr­ir utan hús eða kaffi­hús og for­eldr­arn­ir inni. 

Óvenju­leg mat­ar­menn­ing

Hér á landi má finna ýmis mat­væli sem þykja óhefðbund­in. Á veit­inga­stöðum má til að mynda fá sér hrossa­kjöt, hrefnu og lunda. Öll þessi dýr eru part­ur af ís­lenskri mat­ar­hefð og hafa verið það um ald­ir. Er­lend­ir gest­ir lýsa stund­um bæði for­vitni og hryll­ingi þegar þeir sjá þessa rétti á mat­seðli. Marg­ir telja að það séu aðallega ferðamenn­irn­ir sjálf­ir sem panta sér þessa rétti, en hvort sem er vekja þessi dýr oft furðu.

Óút­reikn­an­legt veðurfar

Veðrið á Íslandi reyn­ist sí­gilt umræðuefni lands­manna og því síður meðal ferðalanga. Flest­ir gera ráð fyr­ir kulda, sér­stak­lega utan sum­ar­tíma, en það kem­ur samt mörg­um á óvart hve hratt og oft veðrið get­ur breyst á auga­bragði. Ferðamenn tala um að maður þurfi að vera til­bú­inn öllu – rign­ingu, roki, sól og snjó. Það má stund­um upp­lifa þetta allt á sama degi. Íslend­ing­ar eru sjálf­ir van­ir því að segja „ef þér lík­ar ekki veðrið, bíddu þá í fimm mín­út­ur“.

Kyrrðin

Þótt veðrið sé oft óstöðugt og með læti þá býr Ísland yfir mik­illi ró og næði. Marg­ir ferðamenn taka eft­ir því að hér er mun minni hljóðmeng­un og æs­ing­ur á göt­um bæj­ar­ins en þeir eru van­ir. Kyrrðin á Íslandi sit­ur oft eft­ir í minn­ing­um ferðamanna. Sum­ir segja að upp­lif­un­in við að skynja „al­gjöra þögn“ úti í nátt­úr­unni sé ótrú­leg. Þessi fá­gæta kyrrð hef­ur jafn­vel reynst sum­um óþægi­leg í fyrstu en aðrir lýsa henni sem dá­semd sem erfitt er að finna ann­ars staðar í heim­in­um.

Verðlagið ríf­ur í budd­una

Það hef­ur lík­lega ekki farið fram hjá nein­um að Ísland er dýrt land í aug­um ferðamanna. Sam­kvæmt alþjóðleg­um sam­an­b­urði er Ísland ávallt meðal dýr­ustu ríkja heims og oft­ast í efstu sæt­un­um. Gest­ir fá því gjarn­an hálf­gert sjokk á fyrstu dög­un­um. Til dæm­is get­ur ham­borg­ari kostað tugi doll­ara eða evra og kaffi­bolli eða bjór kost­ar marg­falt meira en þeir eru van­ir. Þrátt fyr­ir kostnaðinn virðast marg­ir þó til­bún­ir að borga brús­ann fyr­ir upp­lif­un­ina á Íslandi.

Hér að neðan má sjá sam­an­safn af mynd­bönd­um þar sem ferðamenn segja frá því hvað kom þeim helst á óvart:

• Blogga um frétt