Leynibærinn sem vert er að heimsækja

Ment­on er lít­ill strand­bær í Suður-Frakklandi og er bær­inn þekkt­ur sem „perla Frakk­lands.“ Það er mjög sniðugt að fara þangað í dags­ferð ef flogið er til Nice í Frakklandi.

Ment­on er staðsett­ur á hinni stór­kost­legu Côte d'Az­ur-strönd og er bær­inn aðeins nokkr­um mín­út­um frá landa­mær­um Ítal­íu. Sítr­ónugul­ur og pastellit­ir ein­kenna bæ­inn en Ment­on er þekkt­ur fyr­ir sítr­ónu­rækt­un.

Þar sem Ment­on er aðeins nokkr­um mín­út­um frá landa­mær­um Ítal­íu teng­ir Ment­on sam­an ít­alska sögu og franska menn­ingu. Bær­inn er frek­ar lít­ill og því til­val­inn sem dags­ferð. Verðlagið er með því ódýr­ara sem finnst í Suður-Frakklandi.

Vin­sæll meðal enskra og rúss­neskra aðals­manna

Þrátt fyr­ir að bær­inn sé ekki jafn vin­sæll ferðamannastaður og Cann­es og St. Tropez hef­ur bær­inn mikla reynslu af ferðaþjón­ustu. Ment­on var einn af fyrstu ferðamanna­stöðum Frönsku ri­víer­unn­ar og laðaði að sér enska og rúss­neska aðals­menn á síðari hluta 19. ald­ar.

Fal­lega bygg­ing­ar­list má finna víða. Sam­sett mynd/​Unsplash.com

Hægt er að taka strætó frá Nice fyr­ir 1,50 evr­ur og tek­ur um klukku­stund að kom­ast til Ment­on. Leiðin ligg­ur í gegn­um Mónakó og keyr­ir meðfram strönd­um Frakk­lands. Það er því hægt að fara í út­sýn­is­ferð fyr­ir mjög lít­inn pen­ing!

Ment­on er ró­leg­ur, fal­leg­ur og full­kom­inn strand­bær og býður bær­inn upp á frá­bært veðurfar en yfir 300 sól­ar­dag­ar eru þar ár hvert.

Sítr­ón­an í aðal­hlut­verki

Bær­inn hef­ur lengi vel verið þekkt­ur fyr­ir sítr­ónu­rækt­un og því nauðsyn­legt að smakka sítr­ónu­af­urðir ef farið er til Ment­on. Flest­ir veit­ingastaðir bjóða upp á rétti með sítr­ónu, hvort sem það er sítr­ónup­asta, bragðgóðir eft­ir­rétt­ir eða drykki.

Ment­on er þekkt­ur fyr­ir sítr­ón­ur. Ljós­mynd/​Aðsend

Baka­ríið í Ment­on er rekið af stjörnu­kokk­in­um Mauro Cola­greco en baka­ríið er þekkt fyr­ir ein­stök brauð og sítr­ónu­bakk­elsi.

Mauro Cola­greco rek­ur einnig veit­ingastaðinn Miraz­ur í Ment­on en hann var nefnd­ur besti veit­ingastaður heims árið 2019.

Skemmti­leg göngu­leið býður upp á fag­urt út­sýni

Auðvelt er að ganga um göt­ur bæj­ar­ins en bleik, gul og app­el­sínu­gul er ein­kenn­andi.

Bleik­ur, app­el­sínu­gul­ur og gul­ur ein­kenna bæ­inn. Sam­sett mynd/​Unsplash.com

Á toppi bæj­ar­ins er kirkju­g­arður gamla kast­al­ans en hann var byggður á 13. öld. Skemmti­legt er að ganga að kirkju­g­arðinum þar sem hægt er að horfa yfir bæ­inn. Útsýnið er ekki af verri end­an­um og má finna fullt af sögu­leg­um stöðum á leiðinni upp að krikju­g­arðinum. 

• Blogga um frétt