Konrad Kul­is er mik­ill áhugamaður um lands­lags­ljós­mynd­un, en mynd eft­ir hann hafnaði í þriðja sæti í ljós­mynda­keppni ferðavefs mbl.is nú á dög­un­um. Konrad er bú­sett­ur á Ak­ur­eyri og veit fátt betra en að ferðast og taka mynd­ir í nátt­úr­unni. 

Frétt af mbl.is

Jón Gauti Jóns­son sigraði

Hver er sag­an á bakvið vinn­ings­mynd­ina?

„Það er alltaf saga á bakvið ljós­mynd, en ég á erfitt með að koma orðum að henni í þetta skiptið. Haust­síðdegi, bak­poki, mynda­vél og gott kaffi! Það er allt sem þarf til að skemmta sér. 

Sag­an af þess­ari mynd er sú að stund­um þarf ég ein­veru og ég fer oft á þenn­an stað til að hugsa. Í þetta skiptið sá ég fal­legt sól­ar­lag þar og ég var mjög ánægður að geta myndað það og sýnt öðrum.“

Mynd­in eft­ir Konrad sem var í 3. sæti. Ljós­mynd/​Konrad Kul­is

Hef­ur þú alltaf haft áhuga á ljós­mynd­un?

„Það er erfitt að segja, en ég man eft­ir fyrstu hrifn­ingu minni af ljós­mynd­un. Það var þegar bróðir minn keypti sér fyrstu litlu sta­f­rænu mynda­vél­ina sína og ég tók mynd af tungl­inu. Ég var mjög ánægður með út­kom­una, en ein­hvern­veg­in hætti ég að taka mynd­ir um tíma

Ég sneri mér hins veg­ar aft­ur að ljós­mynd­un fyr­ir nokkr­um árum og hún hef­ur fylgt mér síðan.“

Konrad tek­ur fal­leg­ar mynd­ir af nátt­úr­unni. Ljós­mynd/​Konrad Kul­is

Hvernig ljós­mynd­ir finnst þér skemmti­leg­ast að taka?

„Lands­lag er klár­lega upp­á­halds­sviðið mitt í ljós­mynd­un, en und­an­farið hef ég verið að læra að taka mynd­ir á öðrum sviðum og reyna að finna eitt­hvað nýtt í sjálf­um mér.“

Hef­ur þú alltaf haft áhuga á ferðalög­um og úti­vist?

„Já, ég hef aldrei getað setið auðum hönd­um heima við og hef alltaf verið ein­hversstaðar úti frá morgni til kvölds. Ég elska göngu­ferðir og bíltúra.“

Lands­lags­ljós­mynd­un heill­ar Konrad mest. Ljós­mynd/​Konrad Kul­is

Áttu þér upp­á­haldsstað á Íslandi?

„Já, það er ör­ugg­lega Hrauns­vatn. Þar er fal­legt út­sýni, fjöll­in og maður er nán­ast al­veg einn þarna í hvert skipti.“

Hver er fal­leg­asti staður­inn á Íslandi að þínu mati?

„Mjóifjörður eða Borg­ar­fjörður eystri. Ég heim­sótti þetta svæði fyr­ir tveim­ur árum og man enn eft­ir fal­lega út­sýn­inu, þá sér­stak­lega út­sýn­inu yfir Dyr­fjöll.“

Mjóifjörður og Borg­ar­fjörður eystri eru með feg­urstu stöðum sem Konrad hef­ur heim­sótt á Íslandi. Ljós­mynd/​Konrad Kul­is

Er ein­hver staður sem þú hef­ur ekki heim­sótt á Íslandi sem þig lang­ar að heim­sækja?

„Vest­f­irðir eru einn af þeim stöðum sem ég hef aldrei komið til og því er lík­lega kom­inn tími til að fara þangað.“

Konrad lang­ar að heim­sækja Vest­f­irði enda nóg af fal­leg­um stöðum þar til að mynda. Ljós­mynd/​Konrad Kul­is

Tengd­ar frétt­ir

Ferðumst inn­an­lands

Mynd­skeið sem sýn­ir snjó­kom­una í Njarðvík vek­ur at­hygli

• Þetta er vin­sæl­asta tjaldsvæðið á Íslandi
• Ísland ör­ugg­ast fyr­ir þá sem ferðast ein­ir
• Hef­urðu áhuga á að ger­ast ferðaþjón­ustu­bóndi?
• Tveir hnúfu­bak­ar léku list­ir sín­ar í Faxa­flóa

» Fleiri tengd­ar frétt­ir

Aust­ur­land í öllu sínu veldi

Krútt­leg sveitag­ist­ing við Eg­ilsstaði

• Bú­staður til leigu þar sem sól­in skín
• „Við erum agndofa yfir feg­urðinni“
• Jök­uls­ár­lón á lista yfir feg­urstu vötn heims
• Segja hring­veg­inn vera feg­urstu leið í Evr­ópu

» Fleiri tengd­ar frétt­ir

Norður­land í öllu sínu veldi

Dúll­ug­ist­ing á Hofsósi vek­ur at­hygli

• 35 manna æv­in­týra­hús á Sigluf­irði
• Lúx­us­bú­staður til leigu við Húsa­vík
• Drauma­bú­staður til leigu í Skagaf­irði
• Drauma­eign­ir til leigu á Ak­ur­eyri

» Fleiri tengd­ar frétt­ir

• Blogga um frétt