Ragn­hild­ur Auður Mýr­dal er 22 ára meist­ara­nemi við laga­deild Há­skóla Íslands sem veit fátt skemmti­legra en að ferðast. Hún er mik­il æv­in­týra­kona og hef­ur verið dug­leg að ferðast bæði inn­an­lands og er­lend­is, en hún stund­ar fjöl­breytta úti­vist og kann sér­stak­lega vel við sig á há­lendi Íslands. 

Hef­ur þú alltaf haft áhuga á ferðalög­um og úti­vist?

„Áhug­inn á ferðalög­um og úti­vist kem­ur klár­lega frá mömmu. Hún er sjálf mik­il fjalla­geit og var dug­leg að ferðast með mig um fjöll og firn­indi þegar ég var yngri, hvort sem það var fót­gang­andi eða á skíðum. Ég verð að viður­kenna að það var ekki alltaf í upp­á­haldi hjá mér þá, en í dag er ég henni æv­in­lega þakk­lát fyr­ir það.

Ég get svo ekki minnst úti­vist án þess að nefna vini mína, Óðinn og Ein­ar úr laga­deild­inni. Þeir kynntu mig fyr­ir fjalla­skíðum og hef ég eytt eft­ir­minni­leg­ustu frí­un­um frá bók­un­um með þeim uppi á há­lendi.“

Vin­irn­ir í góðum gír í ferðalagi á Skjald­breið.

Hvernig ferðalög­um ert þú hrifn­ust af?

„Að mínu mati eru bestu ferðalög­in skyndi­ákv­arðan­irn­ar. Ég hef oft gam­an að því að plana bara grunn­atriðin og leyfa svo rest að koma mér á óvart, þá ger­ist alltaf eitt­hvað skemmti­legt!“

Upp­á­halds­borg í Evr­ópu?

„Upp­á­halds­borg í Evr­ópu er ábyggi­lega Berlín. Það er mottó hjá mér og mömmu að heim­sækja aldrei sömu borg tvisvar sinn­um, en Berlín hef­ur fengið þar und­anþágu. Borg­in hef­ur upp á svo margt að bjóða hvort sem maður er að leit­ast við að fara í menn­ing­ar­ferð, versl­un­ar­ferð og jafn­vel jóla­ferð á jóla­markaði þá hitt­ir hún alltaf beint í mark.“

Það er mottó hjá Ragn­hildi og móður henn­ar að heim­sækja ekki sömu borg tvisvar. Þær hafa þó gert und­an­tekn­ing­ar.

Upp­á­haldsstaður á Íslandi?

„Þegar stórt er spurt! Upp­á­haldsstaður á Íslandi hlýt­ur að vera bara há­lendið í heild sinni. Land­manna­laug­ar og svæðið þar í kring er ein­stak­lega fal­legt. Ég man þegar ég kom þar fyrst og þá var ég sér­stak­lega heilluð af lita­feg­urðinni.“

Há­lendið er upp­á­haldsstaður Ragn­hild­ar á Íslandi.

Hvert er eft­ir­minni­leg­asta ferðalagið þitt?

„Þegar ég var 12 ára fór ég til Kína í 3 vik­ur með stelp­um sem voru ætt­leidd­ar þaðan með mér. Við vor­um í 3 vik­ur ásamt for­eldr­um okk­ar og heim­sótt­um slóðirn­ar þar sem við fædd­umst.

Þar að auki skoðuðum við Kínamúr­inn, For­boðnu borg­ina, Terracotta her­menn­ina og þessa helstu túrista staði. Ef­laust myndi það standa upp úr hjá flest­um en það sem 12 ára mér þótti magnaðast af öllu var að sjá Pizza Hut í Beij­ing.“

Ragn­hild­ur al­sæl í sigl­ingu á Como-vatni á Ítal­íu.

Hvernig úti­vist stund­ar þú og hvað finnst þér skemmti­leg­ast að gera?

„Hvers kyns úti­vist á fjöll­un­um er í upp­á­haldi hjá mér. Hvort sem það er á fjalla­skíðum á Kald­bak fyr­ir norðan eða bara stutt skrepp á Esj­una. Svo er líka í miklu upp­á­haldi hjá mér alls kon­ar leik­tæki á borð við snjósleða og fjór­hjól.

Við fest­um t.d. einu sinni diska­lyftu aft­an á snjósleða sem dró okk­ur upp á Snæ­fells­jök­ul. Þar var að vísu frek­ar hættu­legt og jafn­vel smá bannað líka en samt sem áður virki­lega skemmti­legt. Hin full­komna upp­skrift­in af úti­vist sam­an­stend­ur af há­lendi, dassi af adrenalíni og góðra vina hópi.“

Útivist á fjöll­um er í upp­á­haldi hjá Ragn­hildi.

Áttu þér upp­á­halds­göngu­leið hér á Íslandi?

„Síðasta sum­ar fór Versló hóp­ur­inn í mjög skemmti­lega göngu­leið frá Hall­dórs­gili að Græna­hrygg og niður í Land­manna­laug­ar þar sem við gát­um baðað okk­ur í sól­inni. Það er án efa skemmti­leg­asta göngu­leið sem ég hef farið og gæti ekki mælt meira með. Hún býður upp á fjöl­breytt lands­lag, mikið af áskor­un­um og ólíkt öllu öðru sem ég hef áður séð. Sér­stak­lega Upp­göngu­hrygg­ur­inn sem mæt­ir manni á miðri leið, en ég mæli kannski ekki með hon­um fyr­ir loft­hrædda.“

Ótrú­legt sjón­arspil á Upp­göngu­hryggn­um, en Ragn­hild­ur mæl­ir þó ekki með hon­um fyr­ir loft­hrædda.

Hef­ur þú farið í ein­hverj­ar göng­ur er­lend­is?

„Ég á göngu­ferðir er­lend­is inni, en það er svona mark­mið okk­ar vin­kvenna að fara einn dag­inn á Kilimanjaro eða jafn­vel Ev­erest.“

Eft­ir­minni­leg­asta ganga sem þú hef­ur farið í og af hverju?

„Eft­ir­minni­leg­asta gang­an sem ég hef farið í er Leg­gang­an síðasta haust. Þá gengu um 120 kon­ur sam­an um há­lendi Íslands til styrkt­ar egg­heimtuaðgerða og sál­fræðimeðferða fyr­ir fólk sem þarf að tak­ast á við ófrjó­semi eft­ir krabba­meinsmeðferð. Það var ein­stök upp­lif­un og virki­lega vald­efl­andi að ganga í svona stór­um hópi kvenna fyr­ir mik­il­vægt mál­efni.“

Ragn­hild­ur ásamt vin­kon­um sín­um í Leggöng­unni síðastliðið haust.

Áttu þér upp­á­haldsstað til að skíða hér á Íslandi?

„Kald­bak­ur er í miklu upp­á­haldi hjá mér fyr­ir fjalla­skíðin og reyni ég að fara a.m.k. ár­lega þangað í ferð. Það er eitt­hvað virki­lega sér­stakt við það að geta skíðað niður og horft til sjáv­ar sam­tím­is. Svo er Snæ­fells­jök­ull í góðu veðri líka ein­stak­ur því þar get­ur maður skíðað langt fram á sum­ar og jafn­vel á stutterma­boln­um ef maður er hepp­inn!“

Magnað sjón­arspil á Kald­bak!

Hef­ur þú farið í ein­hverj­ar skíðaferðir er­lend­is?

„Síðastliðin tvö ár hef ég farið til Madonna di Campiglio á Ítal­íu með fjöl­skyld­unni. Marg­ir vilja meina að bestu ferðirn­ar séu fyrstu ferðirn­ar á morgn­anna. Ég er hins veg­ar ekki frá því að síðustu ferðirn­ar séu jafn­vel betri. Það er virki­lega skemmti­legt að vera með fjallið út af fyr­ir sig rétt áður en þeir skella í lás. Manni líður ligg­ur við eins og litlu barni á jól­un­um.“

Ragn­hild­ur kann vel við sig á skíðum á Ítal­íu.

Áttu þér upp­á­haldsút­i­vistarflík­ur?

„Mín upp­á­halds­flík er app­el­sínu­guli jakk­inn minn frá 66° Norður. Það sem er svo hent­ugt við hann er að hann and­ar svo maður þarf ekki að fara sí­end­ur­tekið úr hon­um og í og svo skemm­ir ekki hvað hann sést vel uppi á há­lend­inu.

Ef ég ætti að mæla með ein­hverju sem er möst að eiga fyr­ir úti­vist­ina þá eru það góðir göngu­skór. Fyr­ir mitt leyti hafa göngu­skórn­ir verið mik­il hvatn­ing til að fara í fleiri göng­ur og svo finnst mér þeir frek­ar töff ef út í það er farið.“

Ragn­hild­ur mæl­ir með því að fólk fjár­festi í góðum úti­vist­ar­jakka og göngu­skóm.

Hvað er á efst óskalist­an­um þínum fyr­ir úti­vist­ina og ferðalög­in?

„Fyr­ir ferðarlög­in væri það klár­lega sta­f­ræn mynda­vél. Mér finnst maður mun dug­legri að taka skemmti­leg­ar mynd­ir ef maður er með sta­f­ræna mynda­vél á sér og það skemm­ir ekki hvað þær geta komið skemmti­lega út.

Fyr­ir úti­vist­ina væri ekki leiðin­legt að eiga snjóflóðabúnað. Það er aðal­atriði að hafa hann með sér þegar maður fer í fjalla­skíðaferðir og hef ég verið svo lán­söm hingað til að fá lánað frá for­eldr­um vina minna, en draum­ur væri að eign­ast slík­an búnað sjálf. Í hon­um felst t.d. snjóflóðaýla og snjóflóðabak­poki.“

Ragn­hild­ur í sann­kallaðri æv­in­týra­ferð á Kald­bak.

Hvert ætl­ar þú að ferðast næsta sum­ar?

„Par­ís með kær­ast­an­um er næst á dag­skrá um pásk­ana og hlökk­um við mikið til þar sem hvor­ugt okk­ar hef­ur komið til Frakk­lands. Svo höf­um við vin­kon­urn­ar verið að skipu­leggja göngu­ferðir hvert sum­ar með hópi sem var með okk­ur í Versló. Við eig­um enn eft­ir að negla niður stað fyr­ir næsta sum­ar en við höf­um reynt að velja óhefðbundn­ar leiðir, helst í engu síma­sam­bandi.“

Það eru spenn­andi ferðalög framund­an hjá Ragn­hildi!

Tengd­ar frétt­ir

Fjall­ganga

Töfr­andi staður á Nýja-Sjálandi fjarri allri ljós­meng­un

• Fót­brotnaði á leið sinni niður Kilimanjaro
• Ástfang­in á toppi þekkts fjalls í Suður-Afr­íku
• Fimm bestu fjalla­bæ­irn­ir sem úti­vistar­fólkið elsk­ar
• Best að fjölga þeim sem lifa af

» Fleiri tengd­ar frétt­ir

Borg­ar­ferðir

„Borg­in ei­lífa verður áfram lyk­i­láfangastaður“

• Icelanda­ir bæt­ir við áfanga­stöðum
• Ekki vera eins og vel grillaður hum­ar í Cann­es
• Löng helgi í Kö­ben: Hvernig áttu að klæða þig?
• Ein vin­sæl­asta Airbnb-íbúðin á Teneri­fe vek­ur hrifn­ingu

» Fleiri tengd­ar frétt­ir

Hreyfi­ferðir

„Þetta er eins og að fá lyf­seðil fyr­ir að fara út í nátt­úr­una einu sinni á dag eða álíka“

• Þór­dís Lóa hef­ur öðlast nýtt líf
• Bíl­lausa eyj­an í bíla­höfuðborg Banda­ríkj­anna
• Hvað með að prófa annað en Teneri­fe og Spán?
• „Það er miklu betra að fara ekki í bað“

» Fleiri tengd­ar frétt­ir

Vetr­aríþrótt­ir

Mynd­skeið sem sýn­ir snjó­kom­una í Njarðvík vek­ur at­hygli

• Af hverju verða Dólómíta­fjöll­in bleik í ljósa­skipt­un­um?
• Ein­stakt tæki­færi til að skíða ótroðnar slóðir á Aust­fjörðum
• Jón Arn­ar fór á skelj­arn­ar í miðri skíðabrekku á Ítal­íu
• Anna Ei­ríks tek­ur sig vel út í fána­lit­un­um

» Fleiri tengd­ar frétt­ir

Ítal­ía

Keypti sex hús á Ítal­íu fyr­ir smáaur

• „Pasta á Ítal­íu er eng­in kal­oríu­bomba“
• Jón Arn­ar fór á skelj­arn­ar í miðri skíðabrekku á Ítal­íu
• Alass­íó í Sól­skins­flóa þess virði að heim­sækja
• „Kláraði fyrstu skíðaferðina án þess að brjóta á mér lapp­irn­ar“

» Fleiri tengd­ar frétt­ir

Skoðun­ar­ferðir

Icelanda­ir bæt­ir við áfanga­stöðum

• Þór­dís Lóa hef­ur öðlast nýtt líf
• Van­metn­ustu ferðamannastaðir á heimsvísu
• Volcano hót­elið á Havaí stend­ur á jaðri virks eld­fjalls
• Bolta­land fyr­ir full­orðna vek­ur at­hygli

» Fleiri tengd­ar frétt­ir

Ferðumst inn­an­lands

Þetta er vin­sæl­asta tjaldsvæðið á Íslandi

• Ísland ör­ugg­ast fyr­ir þá sem ferðast ein­ir
• Hef­urðu áhuga á að ger­ast ferðaþjón­ustu­bóndi?
• Tveir hnúfu­bak­ar léku list­ir sín­ar í Faxa­flóa
• Íslenski hring­veg­ur­inn í 1. sæti á heimsvísu

» Fleiri tengd­ar frétt­ir

Út að leika

Mynd­band: Hjólaði Katt­ar­hrygg­inn og deildi ótrú­legu sjón­ar­horni

• Ótrú­legt mynd­band af ís­lensk­um hest­um vek­ur heims­at­hygli
• Sig­urður upp­lif­ir leynd æv­in­týri
• Fimm fal­leg­ustu strend­ur Íslands
• „Það er ekk­ert sem topp­ar Þórs­mörk í góðu veðri“

» Fleiri tengd­ar frétt­ir

• Blogga um frétt