Útkoman oft lítil sæt kríli
Setja bókamerki
Þegar Davíð Örn Símonarson, framkvæmdastjóri og frumkvöðull, er ekki að hjálpa fólki að finna ástina í gegnum stefnumótaforritið Smitten nýtur hann lífsins með dömunum í lífi sínu. Davíð og sambýliskona hans, Unnur Birna Magnúsdóttir, eiga þær Viktoríu Hrönn fjögurra ára og Júlíu Rós tveggja ára.
Hvað er það besta við að vera pabbi?
„Að sjá þessar litlu manneskjur vaxa og dafna.“
Hvað er mest krefjandi við föðurhlutverkið?
„Að halda jafnvægi á milli vinnu og fjölskyldu án þess að vanrækja annað hvort.“
Hvað borðar þú í morgunmat?
„Ég borða ekki morgunmat, hef gert þetta núna í einhver fimm ár þar sem ég borða ekki fyrr en í hádeginu og mér hefur sjaldan liðið betur.“
Hver er uppáhaldsmatur fjölskyldunnar?
„Hakk og spagettí er í miklu uppáhaldi hjá öllum.“
Hver er uppáhaldsborgin þín og af hverju?
„Mín uppáhaldsborg er San Francisco, ég hef búið þar nokkrum sinnum í stuttan tíma í senn út af vinnu og finnst lífið í sólinni alveg frábært.“
Hvert væri draumafrí fjölskyldunnar?
„Draumafríð væri í einhverju heitu landi, á flottu hóteli með nóg af afþreyingu fyrir krakkana.“
Hvað gerir þú til þess að slaka á?
„Mér finnst ekkert sérlega skemmtilegt að slaka á þannig að ég kýs frekar að gera eitthvað skemmtilegt eins og að fara í golf eða spila tölvuspil.“
Hvaða hlutur er í uppáhaldi?
„Ætli ég verði ekki að segja nýi golf-driverinn minn.“
Hvaða sjónvarpsþátt ertu að horfa á?
„Ég og konan vorum að klára að horfa á The Bachelorette, það eru þættir sem við horfum alltaf á. Ég er síðan mjög spenntur að sjá Seríu 45 af Survivor sem hefst núna í september.“
Eru til Smitten-börn?
„Það eru heldur betur til Smitten-börn og er það mjög gefandi að vinna við að búa til vöru þar sem útkoman er oft þessi litlu sætu kríli.“
Hvað gerir fjölskyldan saman um helgar?
„Við erum rosa dugleg að gera eitthvað skemmtilegt saman, sama hvort það er að fara á ný leiksvæði, kíkja í Skopp, Fjölskylduland eða eitthvað álíka.“
Samfylkingin niður í 27% og VG út af þingi
Engar áhyggjur af því að tilraunamalbiki blæði
Hvalurinn er ekki að éta neitt megrunarkex
Miðflokkur aldrei stærri: „Kominn tími á kosningar“
3,4 stiga skjálfti í Bárðarbungu
Guðrún um könnun Maskínu: „Þetta er agalegt“
Þekktur ofbeldismaður í þriggja ára fangelsi
Fólk stimplað með kvíða og deyr svo