Smartland Mörtu Maríu | Fjölskyldan | mbl | 5.2.2024 | 19:00 | Uppfært 6.2.2024 11:51

Missa sig yfir gömlu myndbandi af Laufeyju

Systurnar Laufey og Júnía sprengdu alla krúttskala í gömlu myndbandi sem Laufey birti á TikTok. Samsett mynd

Tónlistarkonan Laufey Lín Jónsdóttir hefur verið á sannkallaðri sigurför um heiminn. Hún hlaut sín fyrstu Grammy-verðlaun á sunnudagskvöldið fyrir plötu sína Bewitched í flokki hefðbundinna söng-poppplatna og spilaði á selló í sögufrægum flutningi Billy Joel á hátíðinni.

Frétt af mbl.is

Laufey hlaut Grammy-verðlaun

Frétt af mbl.is

Laufey spilaði með Billy Joel á Grammy-verðlaunahátíðinni

Birti ofurkrúttlegt myndband

Laufey hefur einnig notið mikilla vinsælda á samfélagsmiðlum, bæði á Instagram og TikTok, en þar er hún með samtals 6,2 milljónir fylgjenda.

Nýverið birti Laufey myndband af sér og tvíburasystur sinni Júníu Lín Jónsdóttur sem hefur gert allt vitlaust á miðlinum með yfirskriftinni: „Vissir þú alltaf að þú yrðir tónlistarkona? Já.“ Í myndbandinu flytja systurnar jólalag á píanó og blokkflautu.

@laufey
yes
♬ original sound - laufey

Hafa alla tíð verið mjög nánar

Laufey og Júnía eru eineggja tvíburar og hafa að sögn Laufeyjar alla tíð verið mjög nánar, en núna vinna þær saman.

„Hún spilar oft á fiðlu hjá mér, en Júnía sér um allan sjónræna heiminn og er nú í fullri vinnu hjá fyrirtækinu. Allar myndatökur og tónlistarmyndbönd sér hún um, en hún var áður að vinna hjá Universal Music í London en ég þurfti á henni að halda. Það er æðislegt að vinna með henni og ég treysti henni og hún skilur mig svo vel,“ sagði Laufey í viðtali við Morgunblaðið í desember 2023.