Ólétt að sínu þriðja barni
Setja bókamerki
Tengdar fréttir
Frægir fjölga sér
Söng- og leikkonan Mandy Moore er ófrísk að þriðja barni sínu með eiginmanni sínum, tónlistarmanninum Taylor Goldsmith. Fyrir eiga þau tvo unga syni, Gus og Ozzie.
Hjónin, sem giftu sig í nóvember 2018, greindu frá gleðitíðindunum með sameiginlegri færslu á Instagram á laugardag og tilkynntu að þau ættu von á stúlku.
„Stundum hermir lífið eftir listinni,“ skrifar Moore við mynd af sonum hjónanna. „Þriðja barnið í okkar eigin „Big Three“ er væntanlegt á næstunni. Ég get ekki beðið eftir að gefa þessum strákum litla systur.“
Moore skaust upp á stjörnuhimininn árið 1999 með laginu Candy. Í framhaldi af því gaf hún út þó nokkrar plötur og fór einnig með hlutverk í kvikmyndum á borð við The Princess Diaries og A Walk to Remember.
Moore hlaut mikið lof gagnrýnenda fyrir hlutverk sitt í bandarísku þáttaröðinni This Is Us sem sýnd var á árunum 2016 til 2022. Í þáttaröðinni lék hún móður þriggja barna, tveggja drengja og einnar stúlku, sem voru kölluð „Big Three“.
Tengdar fréttir
Frægir fjölga sér
Launamenn byrja að fá útborgað í dag
Rannsókn lögreglu lokið: Óljóst um niðurstöðu
Fær 5 ár fyrir skotárás á aðfangadagskvöld
Verðbólgan í takt við væntingar
Aðstæður krefjandi vegna mikils reyks
Átti að fá greitt fyrir skotárásina á aðfangadag
Ekkert sem bendir til íkveikju