Breska leikkonan Joanne Froggatt á von á sínu fyrsta barni 43 ára gömul. Froggatt er þekktust fyrir að leika þjónustustúlkuna Önnu Bates í búningadramanu Downton Abbey.
Froggatt kom fólki á óvart þegar hún mætti á rauða dregilinn í Lundúnum með óléttukúlu að því fram kemur á vef Daily Mail. Leikkonan geislaði og hélt um barnið í bumbunni.
Downton Abbey-stjarnan hefur ekki staðfest hver faðir barnsins er en hún sást með leynilegum manni í ágúst í fyrra. Vinir leikkonunnar voru spenntir fyrir hennar hönd og vonuðu að þetta væri sá eini rétti. Froggatt lenti í ástarsorg þegar hún og eiginmaður hennar, James Cannon, ákváðu að skilja. Hjónabandinu lauk rétt fyrir heimsfaraldur en þau höfðu verið gift í átta ár.