Kvikmyndaleikarinnar Ryan Gosling, sem dvalið hefur hér á landi undanfarna daga, segir að ofbeldi í bíómyndum hafi haft mikil áhrif á sig í æsku. Hann hafi tekið hnífa með sér í skóla eftir að hann sá bíómyndina „First Blood: Rambo“.

Gosling sagði þetta í samtali við BBC þegar hann ræddi um ofbeldisatriði sem eru í hans nýjustu mynd „Only God Forgives“. Myndin er í leikstjórn danska leikstjórans Nicolas Winding Refn. Myndin var frumsýnd í Bandaríkjunum í þessari viku.

„Þegar ég var lítill strákur sá ég „First Blood: Rambo“. Daginn eftir tók ég hnífa með í skólann og fór að kasta þeim í nemendur skólans. Ég var rekinn úr skólanum. Ofbeldi í bíómyndum hafði því mikil áhrif á mig,“ sagði Gosling.

Í myndinni „Only God Forgives“ leikur Gosling mann sem stýrir hnefaleika-klúbbi í Bangkok sem á í baráttu við fíkniefnaglæpamenn. Bróðir hans lætur lífið þegar hann tekst á við glæpamennina. Móðir hans, sem leikin er af bresku leikkonunni Kristin Scott Thomas, hvetur hann til að leita hefnda. Mikið ofbeldi er í myndinni.

Tengdar fréttir

Ryan Gosling

Þakklát ljósmyndurum fyrir að hlífa dætrunum

• Barbie þurrkaði upp birgðirnar af bleikri málningu
• Ryan Gosling borðar morgunkornið sitt
• 12 ára Gosling leikur á als oddi
• Hnakkrifust við upptökur á Notebook

» Fleiri tengdar fréttir

• Blogga um frétt