Stofna fyrirtæki um mynd með Gosling
Setja bókamerki
Kvikmyndafyrirtækið RVK Studios, sem er að hluta í eigu Baltasars Kormáks, hefur stofnað dótturfélag sem nefnist HTMC ehf. í tengslum við nýja mynd sem Ryan Gosling leikur í.
Nefnist myndin How to catch a monster, samkvæmt frétt á vef News of Iceland. Gosling hefur haldið til á Íslandi meira og minna síðan um miðjan júlí.
Gosling vinnur að vinnslu myndarinnar ásamt Valdísi Óskarsdóttur og samstarfsfólki. Stór hluti tæknivinnunnar fer fram á Íslandi hjá fyrirtækinu Framestone en Baltasar og Daði Einarsson keyptu íslenska hluta fyrirtækisins síðasta sumar, samkvæmt frétt News of Iceland.
Gosling, sem dvelur hér ásamt unnustu sinni Evu Mendes, á að hafa komið sér vel fyrir í Reykjavík. Hann æfir hjá Mjölni á meðan Baðhúsið varð fyrir valinu hjá Mendes. Heimildir News of Iceland herma að Gosling verði hér á landi þangað til um miðjan september.
„Ömurlegt“ að rifja manndrápið upp
Ævisaga Geirs H. Haarde að koma út
Skýr skilaboð um að flýta vinnunni
Skrifar um ást og sorg í lífi Jónasar
Höfum tekið á móti of mörgum flóttamönnum
Gekk bara einu sinni á uppsafnað orlof
Leggur fram vantrauststillögu á oddvitann
Allt fullt af glerbrotum og laugin lokuð