Angelina Jolie neitar að fallast á beiðni Brad Pitt, sem á dögunum fór fram á að fá sameiginlegt forræði yfir börnum sínum sex.

Frétt mbl.is: Pitt fer fram á sameiginlegt forræði

Jolie, sem fer með forræði yfir börnunum til bráðabirgða, vill einungis að leikarinn fái að hitta börnin undir eftirliti.

Samkvæmt frétt Daily Mail er Jolie sögð ætla að berjast fyrir því að fá fullt forræði yfir börnunum, en því er haldið fram að hún vilji að leikarinn taki sig saman í andlitinu.

Þá er leikkonan sögð fara fram á að Pitt leiti sér hjálpar vega meintrar áfengis- og vímuefnaneyslu sinnar, sem og reiðistjórnunarvanda.

Samkvæmt frétt Daily Mail hefur leikarinn samþykkt að heimsækja börnin undir eftirliti, en aðilinn sem fylgist með heimsókninni er síðan sagður munu ákvarða hvort ástæða þyki til að halda eftirliti áfram.

Í frétt miðilsins segir einnig að barnaverndaryfirvöld verði upplýst um gang mála, en áður hefur verið greint frá því að Jolie og Pitt sæti bæði rannsókn barnaverndarnefndar.

Frétt mbl.is: Jolie einnig rannsökuð 

Tengdar fréttir

Jolie/Pitt

Samkomulag um skilnað í höfn

• Jolie biður Pitt um að draga dómsmál til baka
• Pitt fær að hitta yngri börnin
• Jolie mætti með dóttur sinni á rauða dregilinn
• Jennifer Aniston gefst ekki upp á ástinni

» Fleiri tengdar fréttir

• Blogga um frétt