Sigurganga Hildar á sér ekki fordæmi
Setja bókamerki
Tengdar fréttir
Hildur Guðnadóttir
Sigurganga Hildar Guðnadóttur, sem hefur sópað að sér stærstu verðlaunum sjónvarps- og kvikmyndaiðnaðarins undanfarna mánuði, á sér engin fordæmi.
Þetta kemur fram í umfjöllun Variety um Hildi og Óskarsverðlaunin sem hún hlaut á sunnudagskvöld, en þau voru sjöundu verðlaun hennar á rétt rúmlega fimm mánaða tímabili.
Hildur byrjaði á að vinna til Emmy-verðlauna fyrir tónlist sína í sjónvarpsþáttunum Chernobyl 15. september síðastliðinn. Næstu verðlaun hlaut hún á Golden Globe fyrir tónlistina í kvikmyndinni Joker 5. janúar, tveimur dögum síðar hlaut hún veðlaun Samtaka tónskálda og textahöfunda í Los Angeles fyrir tónlistina í sömu kvikmynd og 12. janúar hlaut hún Gagnrýnendaverðlaunin. Hinn 26. janúar hlaut hún svo Grammy-verðlaun fyrir tónlistina í Chernobyl og 2. febrúar voru það BAFTA-verðlaunin fyrir Jókerinn. Loks voru það svo Óskarsverðlaunin fyrir Jókerinn um helgina.
Samkvæmt Variety er sá tónlistarhöfundur sem næst kemst Hildi í árangri Michael Giacchino, en hann hlaut Óskarsverðlaun, Grammy-verðlaun, BAFTA-verðlaun og Gagnrýnendaverðlaunin fyrir tónlistina í teiknimyndinni Up árið 2010. Hann státar einnig af Emmy-verðlaunum, en þau hlaut hann hins vegar sex árum áður fyrir tónlistina í sjónvarpsþáttunum Lost.
Tengdar fréttir
Hildur Guðnadóttir
Ógn sem getur valdið tímabundinni blindu
„Fjarskiptaöryggi fólki mjög ofarlega í huga“
Stýrivaxtastefna Seðlabankans gengin sér til húðar
Sumarið gengið vel en veturinn óráðinn
Ríkislögreglustjóri harmar háttsemi sérsveitarmanns
Fjórum sinnum utanvega á tveimur dögum
Enginn fundur fyrr en öryggi verður tryggt