Victoria Beckham, fata­hönnuður og fyrr­ver­andi kryddpía, græddi tölu­vert á því þegar Kryddpí­urn­ar eða Spice Gir­ls komu sam­an í fyrra. Beckham sem hef­ur snúið sér að tísku er tal­in hafa grætt eina millj­ón punda eða um 170 millj­ón­ir ís­lenskra króna á end­ur­komu Kryddpí­anna að því fram kem­ur á vef The Sun. 

Kryddpí­urn­ar sem voru afar vin­sæl­ar á tí­unda ára­tug síðustu ald­ar komu aft­ur sam­an í fyrra og fóru á tón­leika­ferðalag. Þær voru þó bara fjór­ar þar sem frú Beckham ákvað að fara ekki með. Hún fær þó einn fimmta af hinum ýmsu tekj­um sem tengj­ast Kryddpíu­vörumerk­inu. Það sama átti við í fyrra þrátt fyr­ir að þær Mel C, Geri, Emma og Mel B hafi tekið á sig alla vinn­una ef svo má að orði kom­ast. 

Í fyrra fékk Beckham aðeins 700 þúsund pund eða tæp­ar 120 millj­ón­ir borgaðar frá tísku­merki sínu sem stend­ur völt­um fót­um eins og staðan er í dag. Fé­lagið Spice Gir­ls Lim­ited græddi 4,5 millj­ón­ir punda í fyrra. Árið áður, þegar sveit­in var enn í dvala, voru tekj­urn­ar aðeins 124 þúsund pund. 

Kryddpí­urn­ar all­ar sam­an komn­ar árið 2012. AFP

Tengd­ar frétt­ir

Beckham-fjöl­skyld­an

Sér eft­ir að hafa stækkað brjóst­in

• Beckham-fegðin bara tvö sam­an í New York
• Kær­asta Beckham í ís­lenskri hönn­un í Himalaja­fjöll­um
• Hvar er Re­becca Loos í dag?
• Beckham ætl­ar að eiga síðasta orðið

» Fleiri tengd­ar frétt­ir

• Blogga um frétt