Blaðamennirnir Helgi Snær Sigurðsson, Þóroddur Bjarnason og Ásdís Ásgeirsdóttir ræða saman um Tenet, nýjustu kvikmynd Cristophers Nolan, í hlaðvarpinu BÍÓ og voru sammála um að margt væri ill- eða óskiljanlegt í henni. Kvikmyndin hlýtur þrjár og hálfa stjörnu af fimm í kvikmyndarýni Morgunblaðsins í dag, 3. september, og þykir rýni myndin mikil upplifun fyrir augu og eyru en öllu verra að átta sig á því sem er að gerast í henni. 

„Tenet er því miður ruglingsleg, stundum óskiljanleg en eins og bíógestir vita gefst lítill tími fyrir heilabrot þegar hasarinn er mikill og í þessu tilfelli er ekki bara hasar heldur fara menn ýmist fram á við eða aftur á bak í miðjum hasarnum,“ segir m.a. í gagnrýninni og að Nolan hafi greinilega gaman af því að rugla fólk í ríminu og stundum sé gaman að láta rugla sig í ríminu, jafnvel hollt og kærkomin hvíld frá formúlumyndum.

„Færa má rök fyrir því að maður þurfi ekki endilega að skilja það sem er að gerast í kvikmyndum eða eins og einn vísindamaðurinn í myndinni (og ein fárra kvenna sem koma við sögu) orðar það svo vel: „Ekki reyna að skilja þetta. Skynjaðu.“ Þetta segir vísindamaðurinn við aðalpersónuna sem aldrei er nefnd á nafn, bara kölluð Aðalpersónan (e. The Protagonist). Mætti heimfæra þau ummæli á myndina í heild sinni sem eflaust og vonandi verður skiljanlegri við annað áhorf. En á maður ekki að skilja hvað er að gerast í fyrstu atrennu? Eða á bara að upplifa? Tenet er fyrirtaks bíó ef litið er til upplifunar af mynd og hljóði, því verður ekki neitað en samtölin eru önnur saga,“ segir m.a. í rýninni. 

Ef hasaratriðin ein væru til umsagnar hlyti Tenet fullt hús stiga en frásögnin er því miður óskýr, ruglingsleg og bíógestir fá lítinn sem engan tíma til að ná áttum, skrifar rýnir. Sumum kunni að þykja slík flækja kostur frekar en galli en hún hafi valdið rýni vonbrigðum. „Þetta er gott bíó, því verður ekki neitað, en ég átti von á meiru. Kannski var eftirvæntingin of mikil eftir svo til bíólaust sumar og fullyrðingar um að meistaraverk væri á leiðinni, hver veit? Tenet er því miður ekki meistaraverk en fínasta skemmtun, líkt og samhverfusafn Baggalúts. Sægröm mörgæs? Jú, mögulega ... og þó? Ha, ég skil ekki?! Nei, einmitt. Ekki skilja, bara skynja,“ segir í niðurlagi gagnrýninnar. 

Hér má hlusta á hlaðvarpsþáttinn. 

Tenet

• Tenet. Stjörnur:
• Leikstjóri og handritshöfundur: Cristopher Nolan. Aðalleikarar: John David Washington, Robert Pattinson, Kenneth Branagh, Elizabeth Debicki, Aaron Taylor-Johnson og Himesh Patel. Bandaríkin og Bretland, 2020. 150 mínútur.

Tengdar fréttir

Kvikmyndadómar

Heimaleikurinn sýnd á Sydney Film Festival

• Kvikmynd fyrir bíónörda
• Borat á tímum Trumps
• Fyndin, sorgleg og áhugaverð
• Heimþrá hins heimilislausa

» Fleiri tengdar fréttir

BÍó - Kvikmyndahlaðvarp

Þríhyrningur sigurstranglegur

• Kvennatvenna með spilliefni
• Gerpi í sundi martraðar
• Bond snýr aftur
• Ein merkasta vísindaskáldsagan

» Fleiri tengdar fréttir