Hin venesú­elska Val­ery Lopez skráði sig á forrið Only Fans til að hafa í sig og á í krepp­unni í Venesúela. Lopez bjó við mikla fá­tækt og vildi helst af öllu flytja burt frá Venesúela. Nú sér hún enga þörf á því. 

„Mig langaði mjög mikið að fara, því líf mitt var ekki gott. Núna vil ég áfram búa í Venesúela og þakka Only Fans fyr­ir það,“ sagði Lopez í viðtali við AFP. Only Fans er for­rit þar sem fólki býðst að selja mynd­ir og mynd­bönd af sér. For­ritið hef­ur verið á mik­ill sigl­ingu síðastliðið árið, og þá sér­stak­lega í heims­far­aldr­in­um.

Það sem heillaði Lopez hvað mest við Only Fans var að for­ritið tek­ur aðeins 20% af tekj­um henn­ar sem er tölu­vert lægra en á mörg­um slík­um for­rit­um. 

„Ég get borgað tann­lækn­a­reikn­ing­inn minn og keypt föt. Hver ann­ar er með 500-1.000 banda­ríkja­dali í tekj­ur á mánuði núna? Eng­inn?“ seg­ir Lopez. 

Lopez er alls með rúm­lega 50 áskrif­end­ur að rás­inni sinni og all­ir borga þeir um 10 banda­ríkja­dali á mánuði fyr­ir mynd­ir og mynd­bönd af henni. 

Efna­hags­ástandið í Venesúela er mjög slæmt en þar í landi er mesta verðbólga á heimsvísu og hef­ur efna­hagskreppa varað í land­inu í 7 ár. Síðan 2015 hafa 5 millj­ón­ir manns flúið landið vegna efna­hags­ástands­ins. 

Lopez er ekki sú eina sem hef­ur getað séð fyr­ir sér með Only Fans síðastliðna mánuði en fjöldi kvenna sel­ur nú nekt­ar­mynd­ir og mynd­bönd af sér með þess­um hætti í Venesúela. 

Á heimsvísu eru alls 90 millj­ón áskrif­end­ur á Only Fans og ein millj­ón efn­is­fram­leiðenda. 

Tengd­ar frétt­ir

Venesúela

Fjór­tán lík fund­ust í Venesúela

• Banda­rík­in bjóða 3,5 millj­arða fyr­ir Maduro
• Kom úr fel­um og var hand­tek­in
• Evr­ópuráðið heiðraði Machado
• Stjórn­ar­and­stæðing­ur­inn flú­inn til Spán­ar

» Fleiri tengd­ar frétt­ir

• Blogga um frétt