Þrjár konur hafa verið valdar til þess að kynna Óskarsverðlaunin sem verða veitt í næsta mánuði. Þetta eru grínistarnir Regina Hall, Amy Schumer og Wanda Sykes. Er talið að þetta sé gert til þess að fá áhorfendur aftur að skjánum. 

Þetta er í fyrsta sinn síðan árið 2018 sem formlegur kynnir er á Óskarverðlaununum og í fyrsta sinn síðan árið 1987 sem þrír kynnar sjá um að kynna hátíðina. Þetta er jafnframt í fyrsta sinn sem þrjár konur eru kynnar á Óskarnum. 

Nöfn kvennanna voru opinberuð í bandaríska spjallþættinum Good Morning America á ABC í vikunni. „Ég veit ekki hverjum fannst þetta góð hugmynd en ég verð kynnir á Óskarnum ásamt vinkonum mínum Wöndu Sykes og Reginu Hall. Ætli ég verði ekki að fara horfa á einhverjar myndir,“ sagði Schumer í þættinum. 

Sjónvarpsáhorf á verðlaunin hefur minnkað mjög mikið á undanförnum árum. Í fyrra voru aðeins um tíu milljónir sem horfðu á verðlaunin. Kórónuveirufaraldurinn hafði mikil áhrif á verðlaunin í fyrra en í ár verður allt lagt í sölurnar. Verðlaunin verða afhent í lok mars sem er aðeins seinna en vanalega og er ástæðan meðal annars Vetrarólympíuleikarnir og Ofurskálin. 

Frétt af mbl.is

Power of the Dog hlaut flestar tilefningar

Tengdar fréttir

Óskarsverðlaunin

Gosling líkt við Marilyn Monroe

• Sýna ógnvekjandi hversdagsleika nasista
• Stórstjörnurnar mættu með eins fylgihlut
• Mættu í Óskarspartí þremur mánuðum eftir skilnaðarfréttir
• Huldi það allra heilagasta með umslagi

» Fleiri tengdar fréttir

Óskarsverðlaunin 2022

Segir frá ástæðu kjaftshöggsins

• Smith biður Rock afsökunar
• Skírð í höfuðið á bensínstöð
• Tilbúin að ræða löðrunginn á Óskarnum
• Aftur á skjáinn eftir Óskarslöðrunginn

» Fleiri tengdar fréttir

• Blogga um frétt