Grínistinn Chris Rock ætlar ekki að kæra leikarann Will Smith eftir uppákomuna á Óskarnum. Smith hlJóp upp á svið og sló Rock eftir að grínistinn sagði brandara um hárleysi Jada Pinkett Smith. 

Lögreglan í Los Angeles staðfesti við Variety að Rock ætlaði ekki leggja fram kæru. Í formlegri tilkynningu frá lögreglunni segir að lögreglan sé meðvituð um atvik á milli tveggja einstaklinga á Óskarsverðlaunahátíðinni. Atvikið snúist um að einn aðili hafi slegið hinn aðilann. Í tilkynningunni segir að sá sem var kýldur hafi neitað að leggja fram kæru. Það kemur þó ekki í veg fyrir að það breyist seinna meir. 

Frétt af mbl.is

Sigurvegari og skúrkur

Kveikj­an að uppþot­inu var brand­ari Rock en hann vísaði til eig­in­konu Smiths, leik­kon­unn­ar Jödu Pin­kett Smith, sem G.I. Jane, sem er per­sóna í sam­nefndri kvik­mynd frá 1997. Leik­kon­an Demi Moore fer þar með hlut­verk G. I. Jane en hún er sköll­ótt.

Pin­kett Smith er sköll­ótt um þess­ar mund­ir. Leik­kon­an hef­ur glímt við sjálfsof­næm­is­sjúk­dóm­inn al­opecia sem veld­ur meðal ann­ars skalla­blett­um. Ákvað hún því að krúnuraka sig og hef­ur borið höfuðið hátt á rauða dregl­in­um síðan.

Chris Rock. AFP/ Neilson Barnard

Tengdar fréttir

Óskarsverðlaunin 2022

Segir frá ástæðu kjaftshöggsins

• Smith biður Rock afsökunar
• Skírð í höfuðið á bensínstöð
• Tilbúin að ræða löðrunginn á Óskarnum
• Aftur á skjáinn eftir Óskarslöðrunginn

» Fleiri tengdar fréttir

• Blogga um frétt