Kevin Spacey fyrir dóm á fimmtudag
Setja bókamerki
Leikarinn Kevin Spacey hefur verið ákærður fyrir kynferðisbrot og mun málið fara fyrir dóm í Lundúnaborg seinna í þessari viku.
Hinn 62 ára gamli leikari mun mæta fyrir dómstóla í Westminster klukkan níu að morgni næsta fimmtudag.
Um er að ræða ákæru í fjórum liðum vegna kynferðisbrota gegn þremur mönnum.
Frá árunum 2005, 2008 og 2013
Tvö brotin eru sögð hafa átt sér stað í mars árið 2005 gegn sama manninum, sem er á fertugsaldri í dag.
Þriðja meinta brotið má rekja til ágústmánaðar 2008, gegn manni sem er nú á þrítugsaldri.
Fjórða brotið sem Spacey er ákærður fyrir snýr að atvikum í Gloucester í vesturhluta Englands í apríl 2013, gegn manni sem er í dag á þrítugsaldri.
Ætlar að sanna sakleysi sitt
Spacey hefur unnið til tvennra Óskarsverðlauna á ferli sínum fyrir leik, en á árunum 2014 og 2015 var hann listrænn stjórnandi í leikhúsinu Old Vic í London.
Hann hefur komið fram í fjölmiðlum og heitið því að sýna fram á sakleysi sitt, meðal annars í viðtalsþættinum Good Morning America.
Yfir 160 manns enn saknað í Texas
Skotin flugu á milli Guðrúnar og Kristrúnar
Útilokar ekki beitingu kjarnorkuákvæðisins
Virkjunin væri í uppnámi ef ekki væri fyrir ný lög
Kjarnorkuákvæðið ekki á dagskrá sem stendur
Kjarnorkukafbátur til hafnar
500 manns á biðlista og 200 að auki í biðrýmum