Pitt sýnir skúlptúra í Finnlandi
Setja bókamerki
Bandaríski leikarinn Brad Pitt setti upp sína fyrstu listasýningu í Tampere í Finnlandi á mánudag. Svipti hann þar hulunni af skúlptúrum sem hann og breski listamaðurinn Thomas Houseago og ástralski tónlistarmaðurinn Nick Cave gerðu.
Skúlptúrarnir eru á Sara Hilden listasafninu en Pitt sagði við fjölmiðla að hann hafi að mestu lært sjálfur að gera skúlptúra.
„Þetta er nýr heimur fyrir okkur Nick. Mér líður bara eins og þetta sé rétt skref,“ sagði Pitt í viðtali við finnska fjölmiðilinn Yle.
Á meðal skúlptúranna eftir Pitt er skúlptúr sem lýsir byssubardaga, og sería af skúlptúrum úr sílikoni sem er í laginu eins og hús.
„Fyrir mér snýst þetta um sjálfsskoðun. Þetta snýst um það sem ég hef gert rangt í samböndum, þar sem ég hef misstigið mig,“ sagði hinn 58 ára leikari og nú listamaður.
Þetta er fyrsta sýning Houseago á Norðurlöndunum og bauð hann vinum sínum Pitt og Cave að sýna með sér. Ákvörðunina tók hann í heimsfaraldrinum.
Vöruhús við Álfabakka: Fóru eftir vilja borgarinnar
Vaka hf. lýst gjaldþrota
Læknar samþykkja nýjan kjarasamning
Ætla að fara yfir hvað fór úrskeiðis
Brotist inn og stolið fyrir um tvær milljónir króna
Allt uppbókað í hjónavígslunum
Bjarni: „Lítil tíðindi í þessum tölum“
Skulda Landspítalanum 440 milljónir
