Adidas endurskoðar samstarf við Kanye West
Setja bókamerki
Adidas segist vera að endurskoða samstarf sitt við bandaríska rapparann Kanye West eftir að hann gagnrýndi þýska íþróttavöruframleiðandann opinberlega.
„Eftir endurteknar tilraunir til að leysa málið í einrúmi höfum við ákveðið að endurskoða samstarfið,“ sagði í yfirlýsingu fyrirtækisins.
Stutt er síðan rapparinn sýndi stuttermaboli með áletruninni „White Lives Matter“, eða „Hvítt fólk skiptir máli“ á tískusýningu í París.
Adidas minntist ekkert á þessa umdeildu boli í yfirlýsingu sinni en sagði að „vel heppnað samstarf á rætur sínar að rekja til gagnkvæmrar virðingar og sameiginlegra gilda“.
Kanye West svaraði yfirlýsingu Adidas á Instagram þar sem hann hélt því fram að fyrirtækið hafi stolið hönnun hans.
Svo virðist sem þeirri færslu hafi verið eytt.
„Við munum grípa inn í“
Spá 13-18 stiga frosti í borginni
Björgunarsveitir kallaðar út í nótt
38 létust í flugslysi
Æskuvinir sem fóru í víninnflutning frá Georgíu
Sex fluttir með þyrlunni og þar af eitt barn
Var að slitna frá bryggju sökum hvassviðris
Búið að opna Hellisheiði