Adidas selur áfram Yeezy-skó
Setja bókamerki
Þýski íþróttavörurisinn Adidas mun halda áfram að selja Yeezy-skóna vinsælu sem fjöllistamaðurinn Kanye West hannaði fyrir fyrirtækið. Skórnir munu þó ekki vera seldir undir því merki og ekki með þeim merkingum, en mun hönnunin verða sú sama.
Í tilkynningu frá fyrirtækinu segir að Adidas eigi réttinn á hönnunni. Adidas rifti samningi sínum við West í síðasta mánuði vegna andgyðinglegra ummæla hans á samfélagsmiðlum og í fjölmiðlum.
Með því að halda áfram að selja skónna undir sínu eigin vörumerkið sparar fyrirtækið um 300 milljónir bandaríkjadala í greiðslur til West og markaðssetningu.
Yeezy-línan var lykilvara fyrir Adidas og hefur fyrirtækið tapað á því að segja upp samningnum við West. Var hagnaðurinn af sölu Yeezy-línunnar um tveir milljarðar bandaríkjadala á síðasta ári og nam um 8% af árssölu fyrirtækisins.
Tapaði Adidas um 250 milljóna bandaríkjadala hagnaði á því að segja upp samningnum og 500 milljóna bandaríkjadala veltu.
Adidas tilkynnti í vikunni að fyrirhugað væri að ráða nýjan forstjóra til fyrirtækisins, hinn norska Björn Gulden, en hann er nú forstjóri samkeppnisaðilans Puma.
„Prógrammið er að virka“
Reiknaði með meiri lækkun
Tölvupóstsamskipti sýna fram á ósamræmi
Álverið í Straumsvík í fullri starfsemi
Taldi sig og börnin sín í hættu
Sviptingar í Geldinganesmáli
Stýrivextir lækkaðir um 0,25 prósentustig