Stuttmyndin Skafmiði fjallar um mann sem tekur lán fyrir bíl og þarf nú að greiða lánið án tafar. Myndin er útskriftarmynd Fannars Sveinssonar sem útskrifaðist úr Kvikmyndaskóla Íslands árið 2010. 

Fannar varð síðar þekktur sem sjónvarpsmaður og stýrði og lék í Hraðfréttum sem hófu göngu sína hér á mbl.is. Síðar færðust þeir yfir á Rúv og hófu göngu sína aftur núna í tilefni af tíu ára afmæli þáttanna. 

Fannar Sveinsson.

Síðar varð hann einn höfunda handrits á hinum vinsælu sjónvarpsþáttum Venjulegu fólki og Sápunni sem hann einnig leikstýrði.

Fjöldi leikara kemur fram í stuttmynd Fannars, m.a. Gunnar Hansson, Magnús Ragnarsson, Ellert A. Ingimundarson, Guðbjörg Thoroddsen, Ólafur S.K. Þorvaldz, Páldís Björg Guðnadóttir, Valdimar Sveinsson og Kjartan Darri Kristjánsson.

Í til­efni af 30 ára af­mæli Kvik­mynda­skóla Íslands mun mbl.is birta vald­ar stutt­mynd­ir sem fyrr­ver­andi nem­end­ur við skól­ann hafa gert.

Tengdar fréttir

Kvikmyndaskóli Íslands

Heimaleikurinn sýnd á Sydney Film Festival

• Einstaklega góður útskriftarárgangur í ár
• Kvikmyndaskólinn 30 ára: Hvítir karlar
• Allt öðruvísi en venjulegur skóli
• Kvikmyndaskólinn 30 ára: Síðasta sumar

» Fleiri tengdar fréttir

• Blogga um frétt