Kvikmyndaskólinn 30 ára: Hvítir karlar
Setja bókamerki
Vivian Ólafsdóttir útskrifaðist árið 2017 af leiklistarbraut Kvikmyndaskóla Íslands. Hún leikur aðalhlutverkið í nýrri bíómynd Óskars Þórs Axelssonar, Napóleonsskjölin, sem frumsýnd verður á næsta ári.
Myndin er gerð eftir samnefndri bók Arnaldar Indriðasonar. Hún hefur leikið í fjölda stutt- og bíómynda sem og í sjónvarpsþáttum, þar á meðal Svörtu söndum, Vitjunum og Ófærð. Hún var í haust tilnefnd til Edduverðlaunanna fyrir leik sinn í kvikmyndinni Leynilögga.
Stuttmyndin Hvítir karlar fjalla um fimm konur og einn ungan dreng sem eru öll með ólíkan bakgrunn. Saman lenda þau í kröppum dansi þegar hópur karlmanna ræna þeim. Ástæða mannránanna er einföld, karlmennirnir ætla að uppfylla sínar dekkstu þrár. En maðkur er í mysunni, karlarnir eru miklir Bakkabræður og fórnarlömbin eru ekki tilbúin að gefast upp svo auðveldlega. Hvítir karlar er farsakenndur þriller, fullur af blóði, nekt og kolsvörtum húmor.
Í tilefni af 30 ára afmæli Kvikmyndaskóla Íslands mun mbl.is birta valdar stuttmyndir sem fyrrverandi nemendur við skólann hafa gert.
Skulda Landspítalanum 440 milljónir
Lenti í hálkuslysi skömmu eftir kosningar
Bjarni: „Lítil tíðindi í þessum tölum“
Læknar samþykkja nýjan kjarasamning
Hefja að skrifa stjórnarsáttmála eftir helgi
Hver vill segja Iceguys að þegja?
