Fyrr­ver­andi knatt­spyrnumaður­inn Rúrik Gísla­son hef­ur höfðað mál gegn umboðsskrif­stof­unni Top­as In­ternati­onal í Sol­ingen. Seg­ir hann umboðsskrif­stof­una skulda sér 45 þúsund evr­ur, eða um 6,6 millj­ón­ir ís­lenskra króna, eft­ir að hann fór með sig­ur af hólmi í raun­veru­leikaþátt­un­um Let's Dance í Þýskalandi á síðasta ári. Rhein­ische Post grein­ir frá.

Top­as held­ur því hins veg­ar fram að Rúrik hafi ekki fengið greitt vegna þess að hann hafi ekki staðið við samn­ing sinn. Málið var tekið fyr­ir í héraðsdómi í Wupp­ertal í Þýskalandi í gær. 

Um leið og taka átti málið fyr­ir óskaði lögmaður Rúriks eft­ir því að fyr­ir­tök­unni yrði frestað því málsaðilar beggja hliða vildu láta reyna á það að ná sátt­um. 

Rúrik var ekki viðstadd­ur. Hann er á leið til Miami í Banda­ríkj­un­um eins og glögg­ir fylgj­end­ur hans hafa tekið eft­ir á In­sta­gram. 

Tengd­ar frétt­ir

Rúrik Gísla­son

Rúrik í tök­um fyr­ir gam­an­mynd á Net­flix

• „Sóli fær ennþá út­rás í að gera lítið úr okk­ur“
• Svona held­ur Rúrik sér í formi á ferðalög­um
• Rúrik í tök­um með BMW á Coachella-tón­list­ar­hátíðinni
• Rúrik opn­ar sig í viðtali við Sports Illustra­ted

» Fleiri tengd­ar frétt­ir

• Blogga um frétt