„Þetta ger­ist þegar þú ferð ekki með pítsu­kass­ann þinn í end­ur­vinnsl­una,“ skrif­ar bar­áttu­kon­an Greta Thun­berg á Twitter nú í morg­un. Þar bregst hún vafa­laust við frétt­um af Andrew Tate, fyrr­ver­andi heims­meist­ara í spark­boxi, en hann er sagður hafa verið hand­tek­inn í Rúm­en­íu í gær. 

Frétt af mbl.is

Tate hand­tek­inn í Rúm­en­íu

Lög­regl­an í Rúm­en­íu er sögð hafa hand­tekið Tate og bróður hans Trist­an í gær eft­ir að Tate birti mynd­band af sér á Twitter. Eru bræðurn­ir grunaðir um að hafa átt þátt í man­sali og nauðgun­um.

Tate og Thun­berg stóðu í stuttri deilu á Twitter í vik­unni. Merkti Tate hana í tíst og taldi upp nokkr­ar bif­reiðar í sinni eigu. Bað hann um tölvu­póst­fang henn­ar til að segja henni frá fleiri bif­reiðum sem hann ætti. Svaraði Thun­berg með því að end­ur­birta færsl­una og skrifa: „Já, endi­lega upp­lýstu mig frek­ar um þetta. Sendu mér tölvu­póst á smátyppa­orka@fáðuþér­líf.com.“

Svar fór illa í Tate, ef marka má mynd­bandið sem hann birti síðar. En mynd­bandið leiddi mögu­lega til þess að hann var hand­tek­inn, en pítsu­kassi sem sést í mynd­band­inu er sagður hafa komið lög­regl­unni á sporið og staðfesta þann grun lög­reglu að Tate væri í Rúm­en­íu.

Tate vakti at­hygli fyrr á ár­inu fyr­ir um­deild­ar yf­ir­lýs­ing­ar sín­ar á sam­fé­lags­miðlum, sem þóttu bera vott um kven­hat­ur og var hann bannaður af sam­fé­lags­miðlun­um Face­book, TikT­ok og Twitter. Tate fékk hins veg­ar að snúa aft­ur á síðar­nefnda miðil­inn eft­ir að auðkýf­ing­ur­inn Elon Musk festi kaup á hon­um.

Tengd­ar frétt­ir

Andrew Tate

Tate stöðvaður á 146 kíló­metr­um yfir há­marks­hraða

• Gætu svipt Andrew Tate rík­is­borg­ara­rétti
• Tate-bræður einnig ákærðir í Bretlandi
• Hefja rann­sókn á Tate-bræðrum
• Tate-bræðrum frjálst að fara frá Rúm­en­íu

» Fleiri tengd­ar frétt­ir

• Blogga um frétt