Tate leiddur fyrir dómara

Andrew og Tristan Tate á leið í dómshúsið í Búkarest …
Andrew og Tristan Tate á leið í dómshúsið í Búkarest í dag. AFP

Hin um­deilda sam­fé­lags­miðlastjarna Andrew Tate var leidd­ur fyr­ir dóm­ara í Búkarest í Rúm­en­íu í hand­járn­um í dag. Tate var dæmd­ur í 30 daga gæslu­v­arðhald hinn 30. des­em­ber, grunaður um kyn­ferðis­brot og man­sal. Hyggst hann áfrýja þeim dómi. 

Tate, sem er 36 ára bresk­ur og banda­rísk­ur rík­is­borg­ari með 4,4 millj­ón­ir fylgj­enda á Twitter, var hand­tek­inn 29. des­em­ber síðastliðinn rétt fyr­ir utan Búkarest, höfuðborg Rúm­en­íu. Bróðir hans, Trist­an, var einnig hand­tek­inn og tveir aðrir karl­menn frá Rúm­en­íu. Hafa þeir sætt gæslu­v­arðhaldi síðan.

Eu­gen Vidineac, lögmaður Tates, sagði AP-frétta­stof­unni að bú­ist sé við ákvörðun áfrýj­un­ar­dóm­stóls­ins í Búkarest seinna í dag. 

Bræðurnir voru handjárnaðir saman.
Bræðurn­ir voru hand­járnaðir sam­an. AFP

Hafi brotið gegn sex manns

Deild inn­an rúm­ensku lög­regl­unn­ar sem rann­sak­ar skipu­lagða glæp­a­starf­semi sagði að karl­menn­irn­ir fjór­ir væru grunaðir um að hafa brotið kyn­ferðis­lega gegn sex manns. 

Lög­regla hef­ur hingað til lagt hald á 15 lúx­us­bif­reiðar, þar af sjö í eigu Tate-bræðaranna, og leitað sönn­un­ar­gagna í tíu hús­eign­um eða land­ar­eign­um sem skráðar eru á fé­lög í eigu þeirra. Ramona Bolla, talsmaður ákæru­valds­ins, sagði að ef þeim tæk­ist að sanna að karl­menn­irn­ir hefðu hagn­ast fjár­hags­lega á man­sali myndi rúm­enska ríkið leggja hald á eign­irn­ar. Hagnaður­inn af þeirri eigna­upp­töku myndi fjár­magna rann­sókn­ina sem og renna í skaðabæt­ur til fórn­ar­lambanna. 

Ef úr­sk­urður um gæslu­v­arðhald yfir Tate-bræðrum verður ekki felld­ur úr gildi í dag, get­ur ákæru­valdið farið fram á há­marks­gæslu­v­arðhald, allt að 180 daga. Ef gæslu­v­arðhalds­úrsk­urður­inn verður felld­ur úr gildi er talið lík­legt að þeir verði sett­ir í stofufang­elsi eða verði úr­sk­urðaðir í far­bann frá Rúm­en­íu.

mbl.is
Fleira áhugavert

Stjörnuspá »

Krabbi

Sign icon Þér lætur vel að leiða aðra í starfi. Snöggt námskeið gæti hjálpað þér við að tileinka þér nýja færni sem sparar þér tíma.
síðasta vika Vinsælustu hljóðbækurnar
1
Torill Thorup
2
Satu Rämö
3
Sigrún Elías­dótt­ir
4
Jón­ína Leós­dótt­ir
5
Lotta Lux­en­burg
Fleira áhugavert

Stjörnuspá »

Krabbi

Sign icon Þér lætur vel að leiða aðra í starfi. Snöggt námskeið gæti hjálpað þér við að tileinka þér nýja færni sem sparar þér tíma.
síðasta vika Vinsælustu hljóðbækurnar
1
Torill Thorup
2
Satu Rämö
3
Sigrún Elías­dótt­ir
4
Jón­ína Leós­dótt­ir
5
Lotta Lux­en­burg