Spacey heiðraður á Ítalíu
Setja bókamerki
Bandaríski leikarinn Kevin Spacey var í vikunni heiðraður fyrir ævistarf sitt í kvikmyndum. Verðlaununum tók hann móti á Ítalíu en það var Kvikmyndasafnið í Tórínó sem veitti honum verðlaunin.
Spacey þakkaði safninu fyrir að þora að veita sér verðlaunin. Nýlega var þingfest mál gegn leikaranum í Bretlandi, en hann er kærður í sjö liðum fyrir kynferðisbrot.
Spacey kom fyrir dómara í gegnum fjarfundabúnað í lok síðustu viku í Lundúnum þar sem hann neitaði nýjustu ásökunum. Alls hafa fjórir karlmenn í Bretlandi sakað hann um kynferðisbrot.
Karlmenn í Bandaríkjunum hafa einnig lagt fram kærur gegn honum og sakað hann um kynferðisbrot.
Á ferli sínum hefur Spacey unnið til fjölda verðlauna, þar á meðal Óskarsverðlauna fyrir hlutverk sitt í kvikmyndunum American Beauty og The Usual Suspects.
Foreldrar í Breiðholti taka málin í sínar hendur
Gætum séð fjölgun ferðamanna frá Evrópu
/frimg/1/55/59/1555981.jpg)
Heathrow-flugvöllur lokaður út daginn
Barnamálaráðherra átti barn með 15 ára dreng
Vill skoða að senda börn í meðferð í útlöndum
KÍ-samningar stór biti fyrir sveitarfélögin