Orðin EGOT-verðlaunahafi
Setja bókamerki
Leikkonan Viola Davis varð í kvöld 18. manneskjan til að verða svokallaður EGOT-verðlaunahafi þegar hún hlaut Grammy-verðlaun fyrir hljóðbók sína Finding Me.
EGOT-verðlaunahafar eru þau sem fengið hafa öll stóru verðlaunin í skemmtanabransanum Bandaríkjunum, það er, Emmy-, Grammy-, Tony- og Óskarsverðlaun.
„Ég skrifaði þessa bók til að heiðra hina 6 ára gömlu Violu. Til að heiðra líf hennar, gleði hennar, áföll og allt,“ sagði Davis er hún tók á móti verðlaununum.
Davis vann til Óskarsverðlauna árið 2016 í flokki leikkonu í aukahlutverki fyrir hlutverk sitt í kvikmyndinni Fences.
Emmy-verðlaunin vann hún fyrir þættina How To Get Away With Murder. Hún hefur unnið tvenn Tony-verðlaun fyrir hlutverk sín í leikritunum King Hedley II og Fences.
Á meðal hinna 17 EGOT-verðlaunahafanna eru Sir John Gielgud, Rita Moreno, Andrew Lloyd Webber, John Legend og Jennifer Hudson.
Grammy-verðlaunin verða afhent í Los Angeles í Bandaríkjunum í nótt.
Betri yfirsýn með hverjum klukkutíma sem líður
Það versta sem kona gat gert var að vera þrjósk
Vísbendingar um að kvika sé þegar farin af stað
Þá finnst ekki hjartslátturinn
Segir sjúkraflug á Húsavík í uppnámi
Sveitarfélög þurfa að skera niður
Gerðu tæknibrellur fyrir Zero Day