Leik­kon­an Jena Malone seg­ir að sam­starfsmaður henn­ar hafi beitt hana kyn­ferðis­legu of­beldi við tök­ur á kvik­mynd­un­um Hung­ur­leik­arn­ir (The Hun­ger Games). Hún nafn­greindi ekki sam­starfs­mann sinn en seg­ist hafa unnið vel úr því of­beldi sem hún varð fyr­ir. 

Malone greindi frá þessu í færslu á In­sta­gram í vik­unni en þar deildi hún mynd af sér í franskri sveit. Mynd­in var tek­in eft­ir að töku lauk á síðustu Hung­ur­leika­mynd­inni, Hermiskaði - hluti 2. 

„Jafn­vel þó þessi tími í Par­ís hafi verið gríðarlega erfiður fyr­ir mig, ég gekk í gegn­um slæm sam­bands­slit og var beitt kyn­ferðis­legu of­beldi af mann­eskju sem ég vann með, þá var ég svo þakk­lát fyr­ir þetta verk­efni, fólkið sem ég tengd­ist og fyr­ir hlut­verkið sem ég fékk að leika,“ skrif­ar leik­kon­an og seg­ist vera að læra að kom­ast í gegn­um til­finn­ing­arn­ar. 

Malone sagði ekki nán­ar frá at­vik­inu. Spurð í at­huga­semd hvort árás­armaður­inn hafi sloppið við all­ar af­leiðing­ar sagði hún nei. „Ég notaði upp­byggi­lega rétt­vísi til að ná sátt­um og ábyrgð og til þess að vaxa með hinni mann­eskj­unni. Það var erfitt ferli, en ég trúi að það hafi hjálpað mér í gegn­um það erfiðasta,“ skrifaði Malone.

Malone fór með hlut­verk Johönnu Ma­son í kvik­mynd­un­um um Hung­ur­leik­ana, sem byggðar eru á sam­nefnd­um þríleik Suz­anne Coll­ins. Fjór­ar mynd­ir komu út árin 2012, 2013, 2014 og 2015.

Tengd­ar frétt­ir

Kyn­ferðis­brot í Hollywood

End­urupp­taka haf­in á máli Wein­steins

• Wein­stein lagður inn á sjúkra­hús
• Wein­stein greind­ist með krabba­mein
• Ný ákæra á hend­ur Wein­stein
• Wein­stein flutt­ur í skyndi á sjúkra­hús

» Fleiri tengd­ar frétt­ir

• Blogga um frétt