Bandaríska söngkonan og spjallþáttadrottningin, Kelly Clarkson, viðurkenndi á dögunum að skilnaður hennar við fyrrverandi eiginmann sinn, umboðsmanninn Brandon Blackstock, árið 2020, hafi skilið eftir sig djúp og erfið sár. Söngkonan hefur verið í sálfræðimeðferð til þess að vinna úr andlegri vanlíðan og tilfinningalegri togstreitu allar götur síðan. 

Frétt af mbl.is

Sótti óvænt um skilnað eftir 7 ára hjónaband

„Ég er í reglulegri sálfræðimeðferð og elska það. Ég byrjaði í raun þegar ég var gift, ég átti í miklum erfiðleikum,“ sagði söngkonan í viðtali við ET Kanada sem birtist á mánudag. 

Frétt af mbl.is

Clarkson ýjar að ástæðum skilnaðar

Clarkson hefur ávallt verið mjög opinská um erfiðleika fyrrverandi hjónanna í viðtölum og í spjallþætti sínum The Kelly Clarkson Show. „Mér fannst ég takmörkuð í sambandinu, en það var ekki einungis honum að kenna. Þetta var mér að kenna, ég leyfði því að gerast,“ sagði Clarkson. „Ég upplifði tímabundna ást, en ég er að byggja mig upp og þarf að tjá mig.“

Frétt af mbl.is

Búin að semja 60 lög um skilnaðinn

Söngkonan samdi nýjustu plötuna sína, Chemistry, sem er væntanleg hinn 23. júní, í kjölfar skilnaðarins og eru lögin hluti af bataferlinu og öll innblásin af skilnaðinum. „Ég sem öll bestu lögin þegar ég er nýbúin að ganga í gegnum mikla erfiðleika, svona sigrast ég á þeim. Reiði er til staðar. Það er reiði, það er sorg, það er hamingja, það er von. Tilfinningaskalinn er á nýju plötunni,“ útskýrði Clarkson.

Tengdar fréttir

Skilnaður

Þjáðist í hljóði á eigin heimili

• Streep og Gummer skilin að skiptum
• Smith segir hjónabandinu lokið
• Leyfði eiginkonunni að halda fram hjá vegna aldurbilsins
• Kemur í veg fyrir ágreining við sambúðarslit með ákveðnu fyrirkomulagi

» Fleiri tengdar fréttir

• Blogga um frétt