Bandaríska söngkonan Britney Spears er nýjasta forsíðufyrirsæta bandaríska tímaritsins People. Spears hefur ekki átt sjö dagana sæla síðastliðin ár en söngkonan var ein stærsta poppstjarna heims og sannkölluð goðsögn í dægurmenningu á tíunda áratug tuttugustu aldar. Von er á endurminningum Spears, The Woman In Me, í næstu viku og er bókarinnar beðið með eftirvæntingu. 

Frétt af mbl.is

Poppprinsessa landaði rándýrum samningi

Í viðtali sínu við People segir hin 41 árs gamla Spears meðal annars frá atvikinu sem hneykslaði heiminn, þegar hún krúnurakaði sig árið 2007 en hún fjallar ítarlega um það í bókinni. 

„Það voru öll augu á mér frá því að ég var barn. Fólk horfði á mig, gagnrýndi mig og sagði mér skoðanir sínar á líkamanum mínum þegar ég var táningur. Það að raka af mér hárið var mín leið til að vinna úr þessu,“ sagði Spears. 

Það var í október árið 2007 sem söngkonan gekk inn á hárgreiðslustofuna Esther's Haircutting Studio í Tarzana í Kaliforníu, stuttu eftir að hafa lokið meðferð, og bað um að hún yrði krúnurökuð. Eigandi stofunnar, Esther Tognozzi, neitaði beiðni Spears sem greip þá til sinna ráða en söngkonan tók upp rakvél og krúnurakaði sig.

Götuljósmyndarar og æsiblaðamenn fylgdust með fyrir utan stofuna og voru myndir af nýja útliti Spears komnar í dreifingu aðeins mínútum síðar.  

Frétt af mbl.is

Britney svipt sjálfræði

Í kjölfarið missti Spears sjálfræði, en faðir söngkonunnar, Jamie Spears, stjórnaði fjármálum og persónulegum málum söngkonunnar þar til nýlega. 

Tengdar fréttir

Britney Spears

Spears giftist sjálfri sér

• Aftur í örmum fyrrum húshjálpar
• Synir Britney Spears sættast við móður sína
• 18 kílóum léttari eftir skilnaðinn við Spears
• Britney Spears opnar sig um einkalífið

» Fleiri tengdar fréttir

• Blogga um frétt