Prinsinn passaði ekki í baðkarið
Setja bókamerki
Lögfræðingur Ghislaine Maxwell sagði að Andrés prins gæti ekki hafa átt samneyti með Virginiu Giuffre í baðkari, líkt og hún hélt fram, því baðkarið var of lítið. Þetta kemur fram í nýbirtum dómsskjölum um Jeffrey Epstein.
Giuffre hélt því fram árið 2001 að Andrés prins hefði sleikt tærnar hennar í baðkarinu áður en þau svo færðu sig yfir í svefnherbergið til þess að stunda kynlíf. Þá var hún 17 ára.
Philip Barden lögfræðingur Maxwell hélt því hins vegar fram árið 2017 að Giuffre væri að ljúga þar sem baðkarið í íbúð Maxwell væri of lítið fyrir mann á stærð við Andrés prins. Hann gæti varla farið í bað í því, hvað þá stundað kynlíf.
Daily Telegraph birti í kjölfarið myndir af baðkarinu en bróðir Maxwells hafði fengið kunningja sína til þess að sitja í baðkarinu til þess að fólk gæti áttað sig á stærð þess. Þar með þótti það staðfesta að baðkarið væri of lítið til þess að athafna sig í því.
Prinsinn hefur ætíð neitað að hafa hitt Giuffre en samdi þó við hana árið 2022.
Í sömu skjölum er því haldið fram að Donald Trump hafi stundað kynlíf með mörgum konum á vegum Epstein sem og Bill Clinton og Richard Branson.
„Þetta er að skila talsverðum árangri“
Stefndi alltaf að því að standa sig vel
Gæti reynst erfitt í framkvæmd
Fresta brottvísun Oscars
Boðaðir á fund lögreglu vegna tónleika
Hollenska stjórnin fallin
Seldi hlut sinn en fer áfram með stjórn