Það vakti mikla at­hygli þegar mynd­ir birt­ust af hlaupa­drottn­ing­unni Mari Järsk með síga­rettu í hendi þegar hún hvíldi sig á milli hlaupa í Bak­g­arðskeppni Nátt­úru­hlaupa í Öskju­hlíðinni árið 2022. Hún bar sig­ur úr být­um í keppn­inni og hljóp alls 288 kíló­metra. 

Mari var spurð út í reyk­ing­arn­ar í viðtali við mbl.is eft­ir hlaupið, en þá sagðist hún trúa því að hún væri bet­ur sett en aðrir reyk­inga­menn. 

„Ég trúi því að ég sé miklu bet­ur sett en aðrir reyk­inga­menn. Ég æfi þrjá tíma á dag og geri allt öðru­vísi hluti en annað fólk. Ef mig lang­ar í síga­rettu þá fæ ég mér bara síga­rettu,“ sagði hún og bætti við að hún vildi ekki vera í fel­um með reyk­ing­arn­ar og að lækn­ir­inn henn­ar segði hana vera stál­hrausta. 

Frétt af mbl.is

Langaði að grenja en drullaði sér aft­ur af stað

„ ... en fyrst ætl­ar hann að hjálpa mér að hætta að reykja“

Í apríl 2023 birti Mari færslu á In­sta­gram með yf­ir­skrift­inni: „Tóm­as hjarta­lækn­ir lang­ar að hjálpa mér að hætta reykja?? Eig­um við gefa hon­um séns? Ég er alla­vega SPENNT­UST.“

Hún birti svo aðra færslu í nóv­em­ber síðastliðnum þar sem hún virt­ist hafa tekið ákvörðun um að hætta að reykja. „Tóm­as hjarta­lækn­ir lox­ins kom­in úr sum­ar­fríi ... til­von­andi fæðing­ar­lækn­ir­inn minn ... en fyrst ætl­ar hann að hann að hjálpa mér að hætta að reykja! Neiii ... ÉG ER EKKI ORÐIN ÓLÉTT!!!!!!“ skrifaði hún í færsl­unni.

Frétt af mbl.is

Hlaupa­drottn­ing­in vill hætta að reykja

Frétt af mbl.is

Ætlar að hætta að reykja með aðstoð Tóm­as­ar

Hef­ur ekki reykt í þrjár vik­ur

Nú hef­ur hlaupa­drottn­ing­in ekki reykt í þrjár vik­ur, en hún grein­ir frá þessu í nýrri færslu á In­sta­gram. Já­kvæð um­mæli og hvatn­ing­ar­orð hafa hrann­ast inn við færslu henn­ar. „Ekk­ert eðli­lega GEGGJUÐ,“ skrifaði Rakel María Hjalta­dótt­ir hlaup­ari og förðun­ar­fræðing­ur á meðan Gréta Rut Bjarna­dótt­ir hlaup­ari og tann­lækn­ir skrifaði: „Þú ert eitt­hvað annað mögnuð!!!“

Tengd­ar frétt­ir

Lífs­stíls­breyt­ing

Sagði skilið við Bakkus og tók heils­una föst­um tök­um

• „Dag­ur­inn er sá al­versti sem ég hef upp­lifað“
• Sneri blaðinu við eft­ir föður­missi
• Marg­ir draga úr fé­lags­legri virkni vegna grind­ar­botns­ein­kenna
• Gyða hef­ur náð að viðhalda lífs­stíln­um í 21 ár

» Fleiri tengd­ar frétt­ir

• Blogga um frétt