Hinn almenni Breti er ekki jafn upptekinn af því að Katrín prinsessa af Wales sé í veikindaleyfi fram yfir páska.
Að sögn Guðnýjar Óskar Laxdal, sérfræðings í málefnum konungsfjölskyldunnar, eru samsæriskenningarnar fleiri hjá notendum utan Bretlands.
Guðný kveðst hafa lesið áhugaverða kenningu um af hverju Bandaríkjamenn eru svo uppteknir af hvarfi Katrínar.
„Í Bandaríkjunum ferðu ekki í svona langt veikindaleyfi. Þeir eru ekki vanir að fara í svona langan tíma og mörgum finnst þessi langi tími svo grunsamlegur,“ segir Guðný.
Guðný og Oddur Þórðarson, fréttamaður á RÚV, ræða hvarf Katrínar í Dagmálum í dag.