Hollywood-stjörnur slíta trúlofuninni
Setja bókamerki
/frimg/1/17/86/1178664.jpg)
Leikkonan Megan Fox og tónlistarmaðurinn Machine Gun Kelly hafa slitið trúlofun sinni. Fox greindi frá þessu í hlaðvarpsviðtali á miðvikudag en gaf ekki upp sambandsstöðu parsins.
Að sögn vina og vandamanna þá hefur samband parsins verið stormasamt og hafa þau verið sundur og saman í þó nokkurn tíma. Fox og Kelly, sem heitir réttu nafni Colson Baker, búa sitt í hvoru lagi. Parið er sagt hafa tekið þá ákvörðun í sameiningu.
„Þau eru ekki á góðum stað í sambandinu en það breytist með hverjum deginum,“ sagði heimildarmaður Us Weekly.
Fox og Kelly opinberuðu samband sitt í júní 2020. Parið trúlofaði sig í ársbyrjun 2022.
Fox var áður gift leikaranum Brian Austin Green, sem margir þekkja úr sjónvarpsþáttaröðinni Beverly Hills 90210. Fyrrverandi hjónin gengu frá lögskilnaði sínum einum mánuði eftir að Fox trúlofaðist Kelly.
Troða upp í minningu Steingríms
Hvalurinn er ekki að éta neitt megrunarkex
Samfylkingin niður í 27% og VG út af þingi
Ekkert bólar á nýjum meirihluta
3,4 stiga skjálfti í Bárðarbungu
Miðflokkur aldrei stærri: „Kominn tími á kosningar“