Söng- og leikkonan Barbra Streisand, 82 ára, skildi í gærdag eftir athugasemd við Instagram-færslu leikkonunnar Melissu McCarthy. Athugasemd Streisand vakti mikla athygli netverja og þótti mörgum hún afar óviðeigandi.

Streisand vildi fá að vita hvort að McCarthy hefði nýtt sér sykursýkislyfið Ozempic til að grennast, en leikkonan hefur grennst töluvert á síðastliðnum vikum.

Frétt af mbl.is

Netverjar agndofa yfir Instagram-færslu McCarthy

McCarthy, sem skaust upp á stjörnuhimininn í hlutverki sínu sem Sookie St. James í bandarísku þáttaröðinni The Gilmore Girls, birti mynd af sér ásamt leikstjóranum Adam Shankman. Leikkonan var afar glæsileg í myntugrænum kjól og brosti sínu bjarta brosi, en McCarthy er þekkt fyrir glaðlegt lunderni. 

Margar heimsfrægar stjörnur, þar á meðal Glenn Close og Octavia Spencer, skrifuðu athugasemdir við færsluna og hrósuðu McCarthy fyrir fallegan klæðaburð, en athugasemd Streisand vakti hvað mesta athygli. 

„Ég bið að heilsa, notaðir þú Ozempic?“ skrifaði Streisand við færsluna. McCarthy eyddi færslunni stuttu síðar. 

McCarthy og Streisand hafa þekkst í nokkur ár en þær kynntust við upptökur á plötu Streisand, Encore. Streisand og McCarthy sungu lagið Anything You Can Do úr söngleiknum Annie Get Your Gun.

Tengdar fréttir

Poppkúltúr

Er ferill Beyoncé á niðurleið?

• OnlyFans-stjarna svaf hjá 100 karlmönnum á einum degi
• „Gullára–pip­ar­sveinninn“ með ólæknandi krabbamein
• Tilbúinn að borga hvað sem er
• Sunneva og Benedikt krúttuðu yfir sig

» Fleiri tengdar fréttir

Instagram

Guðmundur Ingi í mynd með Sir Anthony Hopkins

• Klappstýra vakti athygli á vellinum
• Fetar í fótspor foreldra sinna
• Áhrifavaldur lést vegna hnetuofnæmis
• Þorvaldur Davíð og Hrafntinna geisluðu á dreglinum

» Fleiri tengdar fréttir

Ozempic

Eyða milljörðum í megrunarlyf

• Yfir 500 milljarða hagnaður hjá Novo Nordisk
• Stefnir í skort á Ozempic
• Fylgst með fölsuðum pennum
• Ozempic-fatalína vekur hneykslan

» Fleiri tengdar fréttir

• Blogga um frétt