Käärijä hættir við að kynna stigin
Setja bókamerki
/frimg/1/53/24/1532482.jpg)
Finnska Eurovision-stjarnan Käärijä átti að vera stigakynnir í keppninni í kvöld en hann hefur nú hætt við. Það hefur norski stigakynnirinn einnig gert.
Käärijä sló í gegn í keppninni fyrra með laginu Cha Cha Cha og átti hann að tilkynna stigin frá landinu sínu.
Finnska ríkisútvarpið greinir frá og segist hafa fundið nýjan kynni til að hlaupa í skarð tónlistarmannsins.
Ástæðan fyrir því að Käärijä stígur til hliðar er óljós. Líklegt þykir að það sé vegna þátttöku Ísraels í keppninni eða vegna þess að keppanda Hollands var vikið úr keppninni. Käärijä er vinur hollenska keppandans Joost Klein.
Norðmaðurinn líka farinn
Finnski tónlistarmaðurinn virðist fylgja fordæmi norsku söngkonunnar Alessöndru Mele, sem keppti fyrir Noreg í fyrra og átti að vera stigakynnir Noregs í kvöld.
Hún tilkynnti fyrr í dag að hún hefði hætt við að vera stigakynnir, vegna spennuþrungna ástandsins sem ríkir í kringum keppnina, einkum vegna stríðsreksturs Ísraelsmanna á Gasaströndinni.
Atriði Ísraelsmanna komst áfram í úrslit keppninnar og þykir það sigurstranglegt.
Læknar samþykkja nýjan kjarasamning
Allt uppbókað í hjónavígslunum
Hefja að skrifa stjórnarsáttmála eftir helgi
Opna auka skurðstofu vegna fjölda hálkuslysa
Miklar verðhækkanir á matvörumarkaði
Vaka hf. lýst gjaldþrota
„Nauðsynlegt varnarviðbragð almannavarna“