Karl Bretakonungur verður í hestvagni í stað þess að vera á hestbaki þegar hann tekur þátt í árlegri afmælishátíð í næsta mánuði.
Karl, sem er 75 ára, er að glíma við krabbamein. Hann mun fara á milli hermanna í hestvagni í skrúðgöngunni Trooping the Colour þar sem haldið er upp á afmæli breska konungsveldisins.
Skrúðgangan er einn af hápunktum dagskrár breska þjóðhöfðingjans á ári hverju.
Í fyrra tók Karl þátt í vígsluathöfn sinni sem konungur á hestbaki.
Tilkynnt var í febrúar síðastliðnum að Karl hefði greinst með ótilgreint krabbamein og hefur hann verið í meðferð síðan þá.
Undanfarnar vikur hefur hann sést æ oftar opinberlega. Til að mynda sótti hann blómasýninguna í Chelsea í síðustu viku.