Sjúkdómurinn er að buga geðheilsuna
Setja bókamerki
Bandaríska leikkonan Christina Applegate hefur rætt opinskátt um baráttu sína við MS-sjúkdóminn (e. multiple sclerosis) síðastliðin ár. Hún byrjaði með hlaðvarpsþáttinn MeSsy ásamt góðvinkonu sinni, leikkonunni Jamie-Lynn Sigler, sem sjálf hefur glímt við MS-sjúkdóminn í ríflega 20 ár, fyrr á þessu ári.
Í nýjasta hlaðvarpsþætti stallanna ræddi Applegate um áhrif sjúkdómsins á geðheilsu sína en leikkonan viðurkenndi að hafa upplifað andlegar lægðir allt frá því hún greindist með MS-sjúkdóminn árið 2021.
„Ég er að upplifa lægð núna, þá fyrstu í langan tíma. Ég sit föst í myrkrinu. Aldrei liðið jafn illa á ævinni. Ég hugsa um að deyja, það hræðir mig,“ sagði Applegate við Sigler og viðurkenndi að hún nyti ekki lífsins. „Lífið er ekki skemmtilegt lengur. Mér finnst það ekki gaman.“
Sigler sagðist skilja gremjuna. „Líf í fötluðum líkama er alls ekki auðvelt. Það er mjög erfitt, en það sem gerir lífið enn þá erfiðara er þegar þú berð það saman við lífið sem þú lifðir fyrir greiningu. Þegar þú finnur að þú ert tilbúin að samþykkja lífið í sinni nýju mynd þá sérðu að það er margt til að lifa lífinu fyrir.“
Applegate, sem hóf leikferil sinn árið 1972 með smáhlutverki í sápuóperunni Days of Our Lives, hefur lítið sést opinberlega frá því hún greindist en leikkonan var meðal gesta á Emmy-verðlaunahátíðinni í janúar. Hún afhenti verðlaun ásamt Anthony Anderson og fékk standandi uppklapp frá hátíðargestum.
Launamenn byrja að fá útborgað í dag
Landris á sama hraða og fyrir síðasta gos
Átti að fá greitt fyrir skotárásina á aðfangadag
Gul viðvörun vegna hvassviðris
Verðbólgan í takt við væntingar
Kannski allt of langur aðdragandi
/frimg/1/49/80/1498094.jpg)
Heildarkostnaður varnargarða um 7 milljarðar