Bandaríska poppstjarnan Demi Lovato hefur loksins fundið von eftir að hafa verið lögð fimm sinnum inn á geðdeild vegna andlegra veikinda. Söngkonan, sem er 31 árs, deildi sögu sinni á spítala fyrir ungt fólk sem glímir við andleg veikindi í New York-borg í gær. 

Lovato hefur glímt við fíkn allt sitt líf og var hætt komin árið 2018 eftir að hafa tekið of stóran skammt af fíkniefnum. Hún segist loksins hafa fundið meðbyr þegar hún byrjaði að leggja vinnu í meðferð sína á geðdeildinni og sé nú á góðri leið með að snúa blaðinu við. 

„Ég held að vonarneistinn hafi kviknað þegar ég fór að finna hamingjuna í litlu hlutunum í lífinu. Það var mér svo fjarstæðukennt vegna þess að ég var vön því að sjá enga von,“ sagði Lovato.

Frétt af mbl.is

Byrjaði að misnota ópíóða 13 ára

Í sinni fimmtu innlögn segir söngkonan að hún hafi áttað sig á að ekkert annað komi til greina en að sætta sig við lífið í endurhæfingunni. „Mér leið eins og ég hafi náð botninum og ég vissi bara hvað ég þurfti að gera, sem var að lifa lífinu í endurhæfingu. Ég hafði verið í afneitun svo lengi.“

Lovato segir líka að réttu lyfin hafi hjálpað henni mikið við að sigrast á sínum veikindum. Hún bætir við að hún viti í dag að hennar erfiðleikar eru ekki hennar sjálfsmynd eða persónuleiki „Ég er þakklát fyrir það sem ég hef gengið í gegnum og allt sem ég hef sigrast á.“

Frétt af mbl.is

Með sjón- og heyrnarskerðingu eftir of stóran skammt

People

Tengdar fréttir

Poppkúltúr

Harry Bretaprins öskraði og blótaði

• Fyrsta lag Emils vekur athygli
• Halsey á spítala eftir slæmt flogakast
• „Ég heimta endurtalningu“
• Kotb kveður skjáinn eftir 26 ár

» Fleiri tengdar fréttir

• Blogga um frétt