Einn ástsælasti tónlistarmaður Íslands, Ásbjörn Morthens, þekktastur sem Bubbi, fagnar 68 ára afmæli sínu í dag. Af því tilefni byrjaði hann afmælisdaginn á því að syngja fallegt ástarlag með gítarinn heima í stofu.
Texti lagsins er einstaklega fallegur en áberandi er línan; „Fljúgðu ástin mín, fljúgðu, frjáls í þínu hjarta.“
Bubbi er væntanlega að syngja til Hrafnhildar Hafsteinsdóttur eiginkonu sinnar en þau eru búin að vera saman í um tvo áratugi.
„Hef stundum á afmælisdaginn sungið lag, það er góð leið til að segja takk fyrir mig,“ segir Bubbi á samfélagsmiðlum sínum.
Bubbi hefur yljað hjartarótum og snert þjóðarsál landsmanna í áratugi en hann á ótelgjandi góða smelli eins og Rómeó og Júlía, Afgan og Fallegur dagur til að nefna nokkur lög úr safni hans.
Síðast gaf hann út smáskífuna Dansaðu / Ástarvalsinn þann 23. apríl síðastliðinn sem skartar tveimur lögum eins og nafnið leggur sig.
Til hamingju með daginn Bubbi!