Heimaleikurinn sýnd á Sydney Film Festival
Setja bókamerki
Tengdar fréttir
Kvikmyndadómar
Íslenska heimildarmyndin Heimaleikurinn hefur verið valin til sýningar á Sydney Film Festival í Ástralíu, sem er ein elsta kvikmyndahátíð heims. Myndin hefur farið sigurför um heiminn og unnið til fjölda verðlauna, þá síðast á Glasgow Film Festival í Skotlandi þar sem hún fékk hæstu einkunn áhorfenda í sögu hátíðarinnar.
Leikstjórinn Logi Sigursveinsson og framleiðandinn Freyja Aðalsteinsdóttir voru á meðal þeirra sem ferðuðust til Ástralíu á sýningu myndarinnar og nutu þess að ganga rauða dregilinn. Viðstaddir grétu og hlógu í bíósalnum með íslenska hópnum tvö kvöld í röð en meðlimir myndarinnar segja þetta vera sterkustu viðbrögð áhorfenda sem þau hafi upplifað á kvikmyndahátíðum til þessa.
Myndin fjallar um bikarævintýri Reynis á Hellissandi og tilraun Kára Viðarssonar við að ljúka misheppnuðu verkefni föður síns – að fá að spila einn heimaleik á ónotuðum fótboltavelli sem hann byggði í miðju hrauni 25 árum áður.
Myndin byrjaði sem samfélagsverkefni árið 2020 þar sem íbúar tóku sig til og fóru að safna í fótboltalið á Hellissandi til að spila einn leik. Allir máttu vera með óháð aldri, getu og kyni en það vatt heldu betur upp á sig því Reynir á Hellissandi hóf nýverið sitt fjórða tímabil í deildarkeppni. Þessi saga, sem fjallar um lítið þorp á Íslandi og hvernig fótbolti getur verið lykillinn að hjarta samfélagsins, hefur snert fólk um allan heim.
„Þú kemst vart lengra í burtu frá Hellissandi en til Sydney í Ástralíu og leikmenn Reynis hafa svo sannarlega nýtt tækifærið sem myndin hefur gefið til þess að ferðast um heiminn og lifa eins og stjörnur,“ segir Smári í fréttatilkynningu.
Tengdar fréttir
Kvikmyndadómar
Staða Rússlands veikst gríðarlega
Allt uppbókað í hjónavígslunum
Þessi eru í starfshópum verðandi ríkisstjórnar
Þorgerður geti virkað sem límið í samstarfinu
/frimg/1/53/65/1536551.jpg)
Svissneska UBS komið með yfir 5% í Marel
Ætla að fara yfir hvað fór úrskeiðis
Vaka hf. lýst gjaldþrota
