„80% íslenskra mæðra á samfélagsmiðlum í dag“

Leikkonan og grínistinn Birna Rún Eiríksdóttir hefur vakið mikla lukku á samfélagsmiðlinum TikTok að undanförnu þar sem hún tekur á málefnum líðandi stunda á spaugilegum nótum í bráðfyndnum sketsum. 

Birna hefur meðal annars birt sketsa um þriðju vaktina og svokallaðar „Facebook-mömmur“ á hrekkjavökunni, en nú síðast tók hún fyrir litríka hlaupið Color Run þar sem fjölskyldur spreyta sig á því að fara fimm kílómetra, hlaupandi, skokkandi eða gangandi, innan um litabombur.

Frétt af mbl.is

Birna Rún gerir grín að þriðju vaktinni

Frétt af mbl.is

„Facebook-mömmurnar eru að fara af stað“

Viðburðurinn er sérstaklega vinsæll meðal fjölskyldufólks og var Birna að sjálfsögðu mætt á staðinn og lék eftir „80% mæðra á samfélagsmiðlum“ þann daginn sem keppast við að ná sem skemmtilegustum myndum og myndböndum frá hlaupinu til að birta á miðlum sínum.

• Blogga um frétt