Sigríður Helga Sverrisdóttir
Anna prinsessa hefur verið flutt á spítala eftir að hafa hlotið minniháttar meiðsli og heilahristing á landareign sinni í Gloucester-skíri.
Anna, sem er 73 ára gömul, er talin muni ná sér að fullu hratt og vel, samkvæmt tilkynningu frá Gatcombe Park, landareign prinsessunnar. Þetta kemur fram á vef BBC
Hún dvelur nú á Southmead-spítala í Bristol „sem varúðarráðstöfun“ og verður áfram fylgst með henni. Orsök slyssins hefur ekki verið staðfest, en það er talið vera í tengslum við mögulegt högg frá höfði eða fæti hests.
Prinsessan átti að hefja heimsókn til Kanada í lok þessarar viku en kanadískir miðlar höfðu áður tilkynnt að hún myndi taka þátt í athöfn við stríðsminnisvarða á Nýfundnalandi.