Gerir kvikmyndir fyrir karlmenn

Kevin Costner er meðvitaður um að kvikmyndirnar sem hann leikur í höfða til annarra karlmanna. Hann lék nýverið í og leikstýrði myndinni Horizon: An American Saga. 

„Ég geri kvikmyndir fyrir karlmenn. Það er það sem ég geri,“ sagði Costner í hlaðvarpsviðtali á dögunum að því fram kemur á vef Us Weekly. 

Konur koma þó líka við sögu í kvikmyndum hans. „En ég geri ekki kvikmyndir nema ég sé með sterka kvenpersónur og þannig hef ég farið að á mínum ferli,“ sagði Costner sem leggur áherslu á að það sé ekki hægt að gera kvikmynd án þess að vera með sterka kvenpersónu. 

Costner greindi frá því að í nýju fjögurra mynda seríunni hans Horizon hefði ekki verið hægt að gera atriði án kvenna. Sienna Miller, Jena Malone, Abbey Lee og Ella Hunt leika í myndinni ásamt Costner. 

• Blogga um frétt