Bandaríska stórsöngkonan Ann Wilson, best þekkt sem söngkona hljómsveitarinnar Heart, tilkynnti aðdáendum sínum á Instagram í gærdag að hún hefði greinst með krabbamein.

Söngkonan, sem er 74 ára, gekkst undir aðgerð nýverið til að fjarlægja æxli sem við frekari rannsóknir reyndist illkynja. 

Wilson sagði aðgerðina hafa gengið vel en að læknar hafi ráðlagt henni að gangast undir krabbameinsmeðferð til að fyrirbyggja frekari dreifingu á æxlinu sem og hætta tónleikahaldi í bili, en Heart var á fullu að undirbúa tónleikaferðalag sem átti að hefjast þann 30. júlí næstkomandi. 

Söngkonan bað miðaeigendur afsökunar en sagði að hljómsveitin myndi auglýsa nýjar dagsetningar við fyrsta tækifæri. 

Heart hefur allt frá útgáfu fyrstu plötu þeirra, Dreamboat Annie, árið 1976 verið meðal vinsælustu hljómsveita í heimi. Hljómsveitin er þekkt fyrir slagara á borð við Barracuda og Alone. 

Tengdar fréttir

Instagram

Jóhanna Helga og Geir ástfangin í sex ár

• Mátuðu brúðarklæðin í tilefni af silfurbrúðkaupi
• Glee-stjarna með glæsilegt steypiboð
• Hildur Vala og Kjartan í foreldrafríi í Króatíu
• Simmi Vill sviptir hulunni af kærustunni

» Fleiri tengdar fréttir

• Blogga um frétt